Federal lәzgi
milli-mәdәni muxtariyyәti

A.Rəhimov: Avropa Oyunları 1 mlrd. manata başa gəlib

 

Azərbaycanda siyasi məhbus yoxdur – bu barədə prezidentin ictimai-siyasi məsələlər üzrə köməkçisi Əli Həsənov Avropa Oyunları ərəfəsində bugünki mətbuat konfransında növbəti dəfə yerli və xarici jurnalistlərə bildirib.

Belə ki, "Əl-Cəzirə” telekanalının "Siyasi məhbuslar nə vaxt azad ediləcək?” sualına cavabda Həsənov deyib: "Azərbaycan hakimiyyəti olaraq o iddiadayıq ki, Azərbaycanda siyasi məhbus yoxdur. Azərbaycanda ayrı-ayrı əməllərinə görə məhkum olunmuş insanlar var. Onların barəsində məhkəmənin qərarları, hökmü var. Heç bir icra hakimiyyəti də məhkəmənin qərarını şübhə altına almaq səlahiyyətində deyil”.

Onun iddiasına görə, Azərbaycan məhkəmələri hakimiyyətin müstəqil qanadıdır. Burada məhkəmələr hüquqi dövlət normalarına uyğun fəaliyyət göstərir.

"Burada tam siyasi fəaliyyət azadlığı var. Azərbaycanda 55 siyasi partiya var. Onlar mitinqlər, yürüşlər, etirazlar, aksiyalar keçirmək, seçkilərdə iştirak etmək kimi tam azadlığa malikdirlər. Avropanın bəzi dairələri tərəfindən geniş kampaniyaya çevrilən "Azərbaycanda siyasi məhbus mövcuddur, insan hüquqları pozulur, mətbuat azadlığı yoxdur” fikirlərinin heç bir əsası yoxdur”, deyə Həsənov bildirib.

Amnesty İnternational təşkilatının Azərbaycana buraxılmaması barədə suala cavabda Həsənov deyib ki, təşkilat "akkreditasiyadan keçməyib”.

Ermənistan idmançılarının Avropa Oyunlarında iştirakına toxunan Həsənov idmanın Azərbaycan və Ermənistan xalqlarının yaxınlaşmasına şərait yaradacağına ümid etdiyini bildirib.

Öz növbəsində, gənclər və idman naziri Azad Rəhimov bildirib ki, Avropa Oyunlarının büdcəsi 960 mln. avro təşkil edib.

Faktiki olaraq 1 mlrd. manatdan bir qədər çox xərclənib. Manatın 34% devalvasiyasını nəzərə alsaq, "hətta bir qədər qənaət olub”, deyə Rəhimov bildirib.

Korrupsiya haqqında suala cavabda Rəhimov, demək olar ki, özünü təhqir olunmuş hesab edib, auditor yoxlaması "1 dollar olsun” mənimsəmə aşkar edərsə, istefaya getməyə hazır olduğunu bildirib.

.

contact.az

.

Maybe you are interested in:

İlham Əliyev 210 məhbusu əvf edib, aralarında bir nəfər belə siyasi məhbus yoxdur

Müsavat hakimiyyəti Avropa Oyunlarının boykotu ilə hədələyir

Əli Həsənov Azadlıq radiosunu təxribatda ittiham edib

Əli Həsənov Vaşinqtonla münasibətlərdə gərginlik müşahidə etməyib

Əli Həsənov ABŞ-la tərəfdaşlıq şərtlərini açıqlayıb

Comments (0)
adınız:*
sizin E-Mail:*
1 şərhdəki simvolların maksimum sayı = 3 000

1 saat ərzində öz şərhinizi təshih edə bilərsiniz