“Azərbaycan Ukraynaya 1 milyard dollar verməyəcək”
Category: "Azərbaycanın Avropa İttifaqının Ukraynaya maliyyə yardımı planına dəstək verdiyi və bu məqsədlə 1 milyard dollar ayırmağa hazır olduğu barədə deyilənlər spekulyasiya xarakteri daşıyır”.
Bunu Vətəninfo.az İnformasiya Agentliyinəsaytına açıqlamasında Prezident Administrasiyasının beynəlxalq əlaqələr şöbəsinin rəhbəri Novruz Məmmədov bildirib.
O deyib ki, Azərbaycan dövlətinin Ukraynaya birbaşa və ya dolayısı maliyyə yardımına dair heç bir qərar qəbul edilməyib. Onun sözlərinə görə, bu cür xəbərlərin əsası yoxdur.
Xatırladaq ki, ötən həftə Avropa mənbələri Brüsselin Ukraynadakı siyasi böhranla bağlı yeni plan hazırladığını xəbər verib. Həmin plana əsasən Avropa İttifaqı ABŞ, Azərbaycan, Yaponiya və digər donorların verəcəyi vəsaitlər hesabına Ukrayna üçün kredit fondu yaradacaq. Əvəzində prezident Yanukoviç siyasi islahatlar aparmalı, iqtisadiyyat bloku nazirliklərini müxalifətə verməklə yeni hökumət formalaşdırmalıdır.
Daha sonra Milli Məclisin üzvü Asim Molladzadə yerli mətbuata şərhində Azərbaycanın Ukraynaya kredit yardımı üçün Beynəlxalq Valyuta Fonduna 1 milyard dollar ayırmağa hazır olduğunu deyib. A.Mollazadənin bu açıqlamasını "Bloomberg” agentliyi və digər Qərb mənbələri istifadə ediblər.
.
We advise you to sign up, to be full of users of our website.
Maybe you are interested in:
Şərh əlavə edin