Федеральная лезгинская
национально-культурная автономия

Бубадин гаф 
 
Спел, чуру ятIан бегьем, 
Уьлгуьч къуник квач зун. 
Шумал я буй, чанда дем… 
Аялвиле амач зун. 
Дугъри, игри хесет--саягъ. 
Гуя чида, хабар я. 
КIан я? Гъида гъетIер, рагъ… 
ЦIерид йисан яшар я… 
-Лугьуз куьк яз кефияр 
Авайлахъди зун хуьре, 
Эвер гана бубади 
Ихтилатнай и жуьре: 
«ЧIехи я къе, зи хва вун, 
Жуван гафун сагьиб хьухь. 
ЦIиьгел хьурай вун акун, 
Шитвилерал, гъалиб хьухь. 
Вафалувал, михьивал 
Даим хуьх на рикIел ви. 
Еке гьевес, кIанивал 
ПIир яз къвазрай рекьел ви. 
Гьам гьалалвал, зегьметни 
Къуй суфрадин бине хьуй. 
Гъейрат, намус гьуьрметни 
Ваз даяхни куьлге хьуй. 
Мадни са гаф лугхьун за, 
Фикир ца на хъсандиз, 
Мумкин я хьун пуд буба 
Дуьнядал гьар са инсадиз: 
Сада чилел гъана вун 
чIехи жедал хвейди я. 
Садан гуьзел баладикай 
Ваз кIани яр жерид я. 
Пудлагьайдан зегьметни, 
Гьич гаф авач, пара я. 
Илим, эдеб чир авун 
Къимет течир жафа я. 
Гил чIехи я, зи хва, вун 
Несигьатар куьмек туш 
Алакь тийир еке крар 
Ви патайни герек туш. 
Агъмиш авун, хатир хуьн 
Къуй на ийир гьуьрмет хьуй. 
Саймаз тахьун, рикI ел хуьн 
Ви савкIатни, къимет хьуй» 
Векъи я спиел, чIарар зи 
Гьар къуз уьлгуьч тIалаб я. 
Буй кьакьан я, сарар зи 
Гьам кьери я, хараб я. 
Дугъри, игри хесте-сагъ я. 
Чирар авун мумкин я. 
Цавай гъунугъ гъетер, рагъ 
И яшара четин я. 
Гьам бубани я зун къе, 
Къвезва спилар хциз зи 
Накь заз унай хийир, дуьгъе 
Къе язва нубат зи.