Кьибле патан Дагъустанда “Виадук” тIвар ганвай терминал ачух хьана
Хел: 
Магьарамдхуьруьн районда Кефер патан Къавкъазда сифтегьанди тир таможнидинни логистикадин терминал ачухна.
И вакъиадихъ галаз алакъалу шадвилера иштиракун патал Россиядин Федеральный таможенный къуллугъдин руководитель Андрей Бельянинов, Дагъустан Республикадин Гьукуматдин Председателдин заместитель Рамазан Жафаров ва республикада и объект эцигуник кьил кутур кас тир РФ-дин Госдумадин депутат Мамед Абасов атана.
"Виадук” тIвар ганвай терминалди суткада кьиляй-кьилди кIвалахда. Ам 8 гектардин майдандал экIя хьанва. Инвестордив и участок 49 йисан муддатдалди кирида вуганва. Проект тамамвилелди кьилиз акъудайла, кIвалахдин 100 чка тешкилдай мумкинвал жеда. Гьелелиг объектдин сад лагьай пай ишлемишиз вахканва, 45 касдиз кIвалахдин чкаяр гьеле хьанва. Комплекс республикадин кар алай инвестпроектрин жергедик акатзава, идани налогрин барадай 5 йисан муддатда кьезилвилерикай менфят къачудай мумкинвал гузва. Дагъустандин Гьукуматди проектдин кIвалахар кьиле тухун ва бизнес - план туькIуьрун патал санлай къачурла 5,35 миллион манатдин такьатар чара авуна. Объект кардик кутуникди вири дережайрин бюджетриз къведай налогрин пуларин кьадар йиса 20 миллион манатдилай алатда.
"Виадук” тIвар ганвай терминалди суткада кьиляй-кьилди кIвалахда. Ам 8 гектардин майдандал экIя хьанва. Инвестордив и участок 49 йисан муддатдалди кирида вуганва. Проект тамамвилелди кьилиз акъудайла, кIвалахдин 100 чка тешкилдай мумкинвал жеда. Гьелелиг объектдин сад лагьай пай ишлемишиз вахканва, 45 касдиз кIвалахдин чкаяр гьеле хьанва. Комплекс республикадин кар алай инвестпроектрин жергедик акатзава, идани налогрин барадай 5 йисан муддатда кьезилвилерикай менфят къачудай мумкинвал гузва. Дагъустандин Гьукуматди проектдин кIвалахар кьиле тухун ва бизнес - план туькIуьрун патал санлай къачурла 5,35 миллион манатдин такьатар чара авуна. Объект кардик кутуникди вири дережайрин бюджетриз къведай налогрин пуларин кьадар йиса 20 миллион манатдилай алатда.
И объектдин важиблувиликай рахадай чIавуз Андрей Бельянинова терминал кардик акатуникди Дербентда авай машинар акъваздай виликан чкадал ва таможенный центрадал ацалтзавай пар тIимил жедайди къейдна.
- Ихьтин объект пайда хьуни регионда таможенный къурулуш вилик финиз рум гуда. РикIел хкиз кIанзава хьи, 2014-йисуз Россиядин Таможенный къуллугъди 7 триллион манатдин пулдин такьатар кIватIна ва абур вири дережайрин бюджетриз рекье туна. Ихьтин комплексар вилик финихъ галаз алакъалу яз кIватIдай налогрин пуларин кьадар анжах артух жеда, - лагьана ада.
"Виадук” терминалдивай суткада парар дашмишдай чIехи 300 автомашин ахъайиз жеда. Вич туькIуьрунин кIвалахар 2011-йисуз башламиш хьайи терминалдиз 230 миллион манатдилай виниз такьатар чара авуна. И проект кьилиз акъудунин сергьятра аваз 100 миллион манатдин кьадарда аваз Сбербанкдин кредитдин такьатар желбна, амай пул Красноярскдин "Монолитхолдинг” компанияди чара авуна. Проектдин тешкилатчидиз и организация шейэр вахтуналди хуьдай складрин иесийрин реестрдик кутунвайвилин гьакъиндай шагьадатнама ганва.
Дагъустан Республикадин Гьукуматдин Председателдин заместитель Рамазан Жафарова къейд авурвал, и центр туькIуьруникай сифтени-сифте чIехи парар тухудай машинрин шоферриз куьмек жеда.
- И комплекс чIехи парар тухудай машинрин шоферриз, гьакIни таможенный къуллугъдин работникриз чпиз къулай шартIар яратмишун патал эцигнавайди я. КIвалахдин цIийи чкаяр тешкилдай мумкинвал хьун - имни тIимил важиблу кар туш, - лагьана республикадин Гьукуматдин вице-премьерди.
Эцигунар кьиле тухуник кьил кутурди ва проект кьилиз акъудун гъиле кьурди тир РФ-дин Госдумадин депутат Мамед Абасова а объект арадал гъунин карда иштирак авур вирибуруз сагърай лагьана.
- Проектдин мурад сергьятдилай товарар тухуз кIанзавай ксариз ийизвай къуллугърин кьадар ва ери артухарун патал томоженнологистический терминал эцигуникай ибарат тир. И объектди Дербентдал ва Махачкъаладал транспортдин жигьетдай гьалтзавай басрух тIимилардай, республикадин сергьятдин патарив гвай район яшайишдинни экономикадин жигьетдай вилик финин мумкинвилер гегьеншардай шартIар яратмишда, сергьятдал таможенный серенжемар кьиле тухунин вахт кьенятдай мумкинвал гуда. И проектдихъ къулай логистика ава, ада сергьятдилай ахъайзавай машинрин кьадар артухардай гьакъикъи мумкинвал гуда. Мукьвара чун терминалдин кьвед лагьай пай кардик кутунив эгечIда. Ам патал 140 миллион манатдив агакьна такьатар чара авун пландик кутунва, - къейдна Мамед Абасова.
ЦIийи томоженный комплексдиз шоферрини къимет гана. ЧIехи парар дашмишдай Volvo машиндал кIвалахзавай Камалудин Камалудинова, Ирандиз, Азербайжандиз, Туьркиядиз физ, анрай емишар, салан майваяр гъиз 23 йис я. Ам инанмиш тирвал, ихьтин терминал кардик кутуни шоферар патал къулай шартIар яратмишда:
Къе сифтегьан югъ я, завай атIай къимет гуз жедач, амма терминалди чна вичик кутазвай умудар гьахъдиз акъуддайдахъ инанмишвал ийиз кIанзава. Завай са кар къейд ийиз жеда: ина михьи, гегьенш я, машинар акъваздай хъсан чка тадаракламишнава, столовойни ава. Виридалайни кар алайди шегьердиз гьахьунин чарасузвал авач. Шегьерда датIана машинрин еке цIиргъер арадал къвезва, жуван машин акъвазардай чка жагъурун четин жезва, вахтни гзаф серф жезвай. Гила лазим тир чарар-цIарар туькIуьрунин кIвалахни йигин жеда.
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Россиядин чIехи гражданин кьена
Анатолий Къарибоваз “Дагъустан Республикадин вилик лайихлувилерай” орден ганва. Мубаракрай!
Вирироссиядин гражданар кьабулдай югъ кьиле фена Дагъустанвийрин къайгъуда
Къейд эцигун