Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

СтIал Сулейман чиле уьзуьмхъанвал вилик тухузва

 

"Сулейман-Стальский районда 2013-2020-йисара уьзуьмчивал вилик тухун” муниципальный программадин бинедаллаз хуьруьн майишатдин карханайри, КФХ-ри, ЛПХ-ри ва арендаторри 650 гектардив агакьна майданра цIийи узуьмлухар кутун лазим я. Алатай йисуз районда саки 100 гектарда уьзуьмлухар кутуни и программа уьмуьрдиз кечирмишзавайдан гьакъиндай шагьидвалзава. Алай йисуз цIийи уьзуьмлухар 80 гектарда кутун планламишнава.

Санлай къачурла районда 1140 гектар уьзуьмлухар ава. И хел вилик тухуник ЦIийи Макьарин мулкунал кардик квай КФХ-ри, арендаторри еке пай кутазва. Казимбег  Казимбегован,  Умрудин   Агьмедован,  Агьмад  Мегьамедован кIвачихъ галай уьзуьмлухар хъсан гьалда ава. Арендаторри чпив гвай уьзуьмлухрин гьар са гектардай 80-100 центнер ципицIар кIватI хъийизва.

Умрудин Агьмедован кIвачихъ 2 гектар уьзуьмлухар гала. Вад йисан вилик кутур вири тегьенгар хкатунар авачиз экъечIнава, даяхар чIугунвай симер кьатI хьайи чкаяр аквазвач.

Уьзуьмлухра жергейрин араяр цанва, анриз хъуьтIуьн ятар ганва, тегьенгрин кьурай ва герек авачир хилер атIунин кIвалах мукьвал йикъара акьалтIарда.

Умрудин неинки уьзуьмчивилел, гьакI багъманчивилел, майвачивилелни машгъул жезва. Гьавиляй, тежрибалу агрономди агротехникадин серенжемар тухунал маса ксарни желбзава. Абурукай сад вичихъ уьзуьмчивиле кIвалахунин 24 йисан тежриба авай рабочий, тегьенгар обрезка авунин, абурун пунариз пер ягъунин, ятар гунин рекье халис устад тир Руслан  Асланов я.

- Чи райондин шартIар уьзуьмлухар ва багълар кутун патал къулайбур я, - лугьузва У. Агьмедова. - Гьавиляй, захъ гележегда цIийи багълар ва уьзуьмлухар кутун хъийидай фикирни ава, и кар патал чилни гьазурнава.

Муниципальный программада инвестиционный майданра ва арендадин участокра цIийи уьзуьмлухар кутун патал менфятлу участокар тайинарнава. ИкI, программадин бинедаллаз ЦIийи Макьарин хуьруьн мулкунал 2020-йисалди 160 гектарда цIийи уьзуьмлухар кутада.


.

Лезги Газет

.

Мумкин я ваз килигиз кIан хьун:

Кьурагьиз шегьре рехъ ачухна

СтIал Сулейман чиле цIийи микрорайон эцигда

Дербендин чIехи сувар

Кьибле патан Дагъустанда “Виадук” тIвар ганвай терминал ачух хьана

Фермерри чпин къуватрик умуд кутунва

Къейдер (1)

Комментарий #1 написал: ЛЕЗГИ МЕЧЕТЬ 1169 г

22.04.2015, 22:25   |   Зарегистрирован: 17.04.2015   |   ICQ: {icq}   |     |   Статус: Пользователь offline


Группа: Посетители
Публикаций: 0
Комментариев: 14

"Уьзуьм" Лезгидал жезва "ЦипицI" ("ЦипицIар"). Гьавиляй, "Уьзуьмлухар" чи кхьинрикайни, рахунрикай хкудна кканда (кIанда) - чи гаф туш.