Дербент - 2000. Вири къуватар желб ийин
Хел: 
Дербент шегьердин администрациядин пресс-къуллугъди хабар гайивал, 13-ноябрдиз Кеферпатан Кавказдин Федеральный округда Россиядин Федерациядин Президентдин патай тамам ихтиярар ганвай векилдин заместитель Сергей Милейкоди Дербентдин 2000 йисан юбилей сувар хьиз къейд авуниз гьазурвал акунин месэладай совещание тухвана.
Адан кlвалахда Дагъустан Республикадин Гьукуматдин Председателдин Сад лагьай заместитель Анатолий Къарибова, республикадин министерствойринни ведомствойрин руководителри, "Дербент - 2000” ГКУ-дин руководитель Али Нурмегьамедова, Дербент шегьердин администрациядин кьилин везифаяр вахтуналди тамамарзавай Татжатдин Султанова ва масабуру иштиракна.
Адан кlвалахда Дагъустан Республикадин Гьукуматдин Председателдин Сад лагьай заместитель Анатолий Къарибова, республикадин министерствойринни ведомствойрин руководителри, "Дербент - 2000” ГКУ-дин руководитель Али Нурмегьамедова, Дербент шегьердин администрациядин кьилин везифаяр вахтуналди тамамарзавай Татжатдин Султанова ва масабуру иштиракна.
С.Милейкодин гафаралди, ам атунин асул макьсад сувариз гьазурвал акунин кlвалахар тешкилнавай ва кьиле физвай гьал ахтармишун я. Ада къейд авурвал, юбилейдиз талукь яз гзаф ванер чкIизва, гьа барадай сувар 2018-йисал хутахунинни. Юбилей кьулухъ вегьинин патахъай са ихтилатни авайди туш ва ам, Россиядин Федерациядин Президентдин Указда къалурнавайвал, 2015-йисан сентябрдиз кьиле тухуда.
Совещанидал С.Милейко тестикьарнавай дорожный картадин гьар са пунктунал кьилди акъвазна, вуч ийиз хьанватlа, алай вахтунда вуч ийизватlа ва алукьзавай йисуз вуч авун пландик кутунватlа, таниш хьана.
Веревирдер авунин нетижада виликдай дорожный картадик кутунвай са бязи мярекатар акъвазарунин къарар кьабулна. С.Милейкоди Дербентдин суварин мугьманриз Дагъустандин халкьарин адетар ва культура тамамдиз, гуьрчегвилелди къалурдайдахъ инанмишвална.
Совещанидин нетижаяр кьуналди, ада Дербент шегьердин 2000 йисан юбилейдин сувариз гьазур хьун Дагъустан Республикадин Гьукуматдин эвелимжи нубатдин везифа хьана кIанзавайди къейдна ва республикада авай вири такьатар Дербентдихъ элкъуьруниз эвер гана.
Ахпа ам цIийи кьилелай туькIуьр хъийизвай паркариз, куьчейриз, идарайрин дараматриз, тарихдин памятникриз килигна.
Къагьриман Ибрагьимов
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Анатолий Къарибоваз “Дагъустан Республикадин вилик лайихлувилерай” орден ганва. Мубаракрай!
Дуьньядин культурайрин, динрин тарихдин музей Дербентда ачухна
Къейд эцигун