Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Чилер какахьай вишйиса гьикI жув хуьда?

Урусатдин халкьарин хсусивал хуьн патал вуч ийизватIа

 
Хайи чIалар лап пашман жедай къайдада квахьзаватIани, эхиримжи вахтара пара къуватар вегьезва, гьукуматдин патайни кваз, Урусатдин халкьарин медениятни чIал хуьдайвал.

Виридалайни пара фикир гузва и карда хайи чIаларикай, халкьдин суваррикай, маса медениятдин хилерикай чирвилер гьяркьуь авуниз.
Мукьарал ("на местах") алай лезги джемятдин кархъанривай къачуз жеда тежриба маса мярекатрай, чи гьукуматда физвай, гьахьтинбур чпини тухудайвал, гьакIани федерал дережадани гьахьтин месэлаяр хкаждайвал.

Вилик фидай югъунар аквазва аквазва парани-пара «са миллетдин» вилаятра, чна идалай вилик лагьай. Яваш-яваш вилаятра гьар жуьре къайдаярни мумкинвилер аквазва «тIварцIин» миллетрин меденият вилик тухудайвал.

Еке къуват авазва гьар жуьре гьерекатриз ("акции"), гьабурук кваз Йошкар-Олада физвай «Зун Марий чIалал рахазва» тIвар алайди.

Удмуртияда гьукуматди къарар кьабулна миллетдин чирвилер гунин юкьв ("центр народного образования") ахъайдайвал. 
Гьа ихьтин идара ахъайнайтIа жедай Дербенда, лезги чIаларал чирвилер гун вилик тухудайвал.

Миллетдин медениятдин садвал кIеви ийиз кIанзава бурятриз Байкал вирин кьве пата авай. Бурят халкь кьве вилаятдиз пай хьанватIани, кьве патани са къанунар, хайи чIални эдебият чирунин са къайдаяр кардик кутаз кIанзава. Лагьана кIанда хьи, кьве вилаят – Бурят Республикани Уст-Ордын округ – меслят хьана бурят чIалан муаллимар гьазурунин рекьяй арцI ахъаюнин са къайда туькIуьрдайвал.
Ихьтин тежриба къачуз жедай лезги чIал гунин патайни Дагъустандани Азербайжанда. И кар кьилиз акъуддайвал Урусатдинни Азербажандин арада медениятдинни чирвилер гунин рекьяй къуватар сад авуна кIанзава, кIвалах санал тухвана.

Мадни екебур язва татар миллетдин мярекатар. Кьилдин фикир гана кIанда Ульяновскда 23-й апрелдиз хьайи татар чIаланни медениятдин йикъуз, шегьердинни вилаятдин къуватрин куьмекдалди.

Ихьтин мярекатар тухвана кIанда Дагъустандани Азербажанда, Дербен, Махачкъала, Каспийск, Баку, Сумгаит, КцIар, Къуба, Хачмас, Къабала, Худат, Шаки, гьакни маса шегьерра.

Анжах къейдна кIанда, гьукуматдин куьмек галачиз ихьтинг гьерекатар, къастар кьилиз акъудиз четин тирди. Гзаф миллетар авай вилаятра и кIвалах тухуз мадни четин я.

Гьавиляй лезгийрин вилик квай везифаяр язва авай къуватар сад авун, гьар са вилаятда авай джемятар кIеви авун, гьабур гьяркьуь авун. Къуват пара хьайла, халкь патал кIвалахни вилик фида.

ЛММФДАдин корреспондентрин кIватIал

.

.

Мумкин я ваз килигиз кIан хьун:

Ярославлдин лезгийри къуват къачузва

Лезги мектеб Москвадин юкьва

Шегьердин аялриз дидедин чIал хкун

Меркездай Кьибле Дагъустан аквазвач

РФ-дин Общественный палатада - лезги чIал Милли чIалар хуьн

Къейдер (0)