Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

СтIал Сулейман чна рикIелай ракъурдач

Волгоградда хьайи чIехи шаирдиз талукь тир мярекатдикай

Ин мукьвара вири дуьньяда лезгийри чи чIехи шаир, алай чIаван Дагъустандин эдебиат бине кутунвай СтIал Сулейманан 147 йис тамам хьайи вахт сувар авуна. И тарихдал пара мярекатар, шииррин акъажунарни маса рикIелай алат тийир затIар гьалтдайвал авуна.
 
Месэла, игит тир Волгоград шегьердин Жегьилрин театрда XX-лагьай виш йисан Гомераз талукь тир медениятдин вакъиа тухвана. Мярекат тешкил авурди гьяд йикъан мектебда лезги чIалан гузвай муаллим Аскеррин Гилал язва. Адаз и кIвалахда мукьан (чкадин) КIиливин (дуствилин) кIвали куьмек гана. Мярекатдик са шумуд цIуд лезги халкьдихъ рикI кузвай лезгини чи халкьдин кIилияр квай тир.
 
Медениятдин няни Бадалрин Дианадини Абдулкеримрин Рената тухвана. Мярекатдин къене чIехи шаирдин уьмуьрдинни яратмишунин рекьикай, адан шииррик квай яшайишдинни сиясатдин себебрикай, ада шииралди тариф авур халис девлетрикай ахъайна.
Вири серенжемдин къене лезги чIал кIелзавай гадайрини рушари СтIал Сулейманан шиирар лугьузвай тир. Абурун экъечIунар кьетIенвилелди кьиле гьатзавай тир, вучиз лагьайтIа йисни зур идалай вилик абурукай чIехи паюнивай лезгидал рахазни жезвачир. Гьа няниз абурувай хайи чIал чирунин дережа такабурдаказ къалуриз хьана.
 
ЭкъечIнавайбурун арада Новрузрин Сабина, Алимирзайрин Виктория, Мадатханрин Айтен, Гьажибекрин Эмрана, Агьмедрин Заира, Къазиханрин Умар, Къурбаналийрин Лезгина, Абдулкеримрин Алина къейд ийиз жеда. Абуру вири халкьдин рикI алай шаирдинни адаз талукь маса шаиррин шиирар лагьана.
ГьакIни мярекатдихъ кинохроникадай кадрар, кьуьлер, манияр, кьисаярни СтIал Сулейманакай рикIел хкунар галай тир.
 
Къейд ийин, татар чIалан муаллим Сабитрин Анфисадини адан кIелдайбур Нескромная Еленадини Акъжитрин Диляди нянин медениятдин программадик чIехи мас (къимет) авай кар кутуна. Абуру урус чIалал элкъвенвай СтIал Сулейманан шиирар лагьана.
 
КьетIен гьиссер КIиливилин кIвалихъ галай Кьуьлерин кIватIалди авур «Суван кьуьлуь» гъана. 
 
Лезги чIалан муаллим, шаир Аскеррин Гилал вичин чIала XX-лагьай  виш йисан Гьумеран уьмуьрдай машгъулардай кьисаяр ахъайна. Эхирдай ада вири экъечIнавайбурун, мярекат сувар ийиз куьмек ганвайбурунни серенжемдик квайбурун чанар сагъ хьуй лагьана.
Шегьердин лезги жемятдин патай Амирханрин Аждара гаф лагьана. Ада сачилинвийривай паквилелди миллетдин эдебиат, медениятни яратмишунар вилик ракъурдай адетар хуьн, давамарун тIалабна. 
«Ингилуйрин галкI» тешкилатдин кьил Шапиашвили Рустама мярекат туькIуьрайбурузни тухвайбуруз вичин сачилинвийрин патай мубарак авуна.
 
ГьакІни ада Лезги миллетдинни медениятдин федерациядин дережадин автономиядин президент, Урусатдин президентдихъ галай Халкьарин арада авай рафтарвилериз талукь тир советдин уртах Керимрин Арифа СтIал Сулейманаз талукь тир мярекат хьуниз килигна ракъурнавай мубаракдай чар кIелна.

ЛММФДАдин корреспондентрин кIватIал

.

.

Мумкин я ваз килигиз кIан хьун:

СтIал Сулейманаз гуьмбет хкажна

ЦIийи йисан мярекат лезги къайдада

Дагъустан цIийи хъувур кас

«Сулейманан вахт къвезва…»

КукIушрин кукIуш

Къейдер (0)