Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

«Сулейманан вахт къвезва…»

Москвада СтIал Сулейман рикIел хкунин мярекат кьиле фена

 

«Сулейманан вахт къвезва…»

Меркезда тIвар-ван авай лезги шаир, Дагъустандин халкьдин шаир, 20-й асирдин Гомер тIвар къачур СтIал Сулейман рикIел хкунин мярекат хьана. Москвадин миллетрин кIвале («Московский дом национальностей») мярекатдин къене шаирдин эсеррин урус чIалаз цIийи тарджумайрин кIватIалдин къалурун («презентация») фена. Ктабдин тIарни язва «СтIал Сулейман. ЦIийи тарджумаяр», урус чIалал «Сулейман Стальский. Новые переводы».

Мярекат арадал гъайи тешкилатар тир Лезги миллетдинни медениятдин федерациядин дережадин автономия (ЛММФДА), Ярославлдин вилаятдин ЛММА, Урусатдин Президентдив гвай Дагъустандин гьамишан векилат (Постоянное представительство Республики Дагестана при Президенте России).

Уртахар тир ЛММФДАдин Маджлисдик квай ксар, Дагъустандин гьамишан векилатдин чIехибур, Ярославлдин вилаятдин векилар, тIвар-ван авай лезги жемятдинни сиясатдин кархъанар («деятели»), жегьилар ва масабур.

Сифте гаф къачуна ЛММФДАдин Президент, Урусатдин Президентдив гвай миллетрин арада авай алакъайрин маджлисдик («Совет по межнациональным отношениям при Президенте России») квайда Ариф Керимова къачуна.

Ада цIийи ктаб ийиз куьмек гайи виридаз, гьабурук кваз Ярославлдай ва маса чкайрай атай мугьманриз, вири атайбуруз  сагърай лагьана. Керимова Лезги автономияди медениятдин, чирвилер гунин патай ийизвай кIвалахрикай, кьилиз акъуднавай, акъудна кIанзамай фикиррикай ахъайна.

Автономиядин чIехидалай гъейри, атайбурун вилик гаф лагьана Гьукуматдин Маджлисдин («Государственная Дума») депутат, ЛММФДАдин вице-президент Мамед Абасова, Москвада Дагъустандин гьамишан векилатдин чIехидан чка кьадайда («заместитель») Изумруд Мугутдиновади, Ярославлдин вилаятдин ЛММАдин чIехида Васиф Гасанова, тIвар-ван авай шаир, Урусатдин кхьирагрин галкIдик («Союз писателей России) квайда Мамед Халилова, тIвар-ван авай урус шаир, Урусатдин кхьирагрин галкIдик квайда, Сулейманан шиирар тарджума авур Евгений Чеканова, ЛММФДАдин маджлисдик квайда, Илимрин академиядин Къавкъаздин юкьван чIехида Энвер Кисриева, «Ставрополдин хизанда Дагъустандин халкьар» тIвар алай тешкилатдин чIехида Къазбек Агъаларова, Дагъустандин гьамишан векилатдин жемятдин маджлисдин чIехида Гьаджимурад Гьаджиева.

Мярекатдиз атайбуруз Агъа-Ст Iалда авай Сулейманан музейдикай видео, гьадан хтул Лидиядин гафар авай видео акуна. Ина лезги кьулерни хьана, СтIал Сулейманан хкягшъай шиирар кIелна, лезги чIалални урус чIалал манияр лагьана.

Мярекат пара иер авуна гзаф агалкьунар авай Фийжув устIар Гюльогълан Мамедярован кIвалахрин къ
алуруни. Мад сеферда акуна Москвадин агьалийриз, гьикьван иер чукIулар, гапурар, крчар, къапар, пара масса затIар ийизватIа лезги устIарри.

Нетижаяр гъиз хьайитIа, чавай лугьуз жеда мярекат лап хъсандаказ, чимидаказ фейиди. Гьар атайда вичихъ галаз пара хъсан фикирарни СIал Сулейманакайни адан эсеррикай цIийи чирвилер хутахна.

.

ФЛНКА

Мумкин я ваз килигиз кIан хьун:

Лезги мектеб Москвадин юкьва

Шегьердин аялриз дидедин чIал хкун

Меркездай Кьибле Дагъустан аквазвач

КукIушрин кукIуш

Яран сувар Кьиблепатан Дагъустанда

Къейдер (0)