Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

ЦIийи йисан мярекат лезги къайдада

Лезги автономиядин мектебда аялриз сувар тухвана

 

 

Лезги миллетдинни медениятдин федерациядин дережадин автономиядин мектебда герен-герен вичин вахтуна тарсар физва, аялризни чIехибуруз иер аквадай мярекатар тухузва.

Январдин суварар эгючIдалди вилик лезги мектебда цIийи йисан мярекат кьиле фена. Ам туькIрайди, тухвайди язва ЛММФДАдин медениятдинни кIелунрин хелин чIехиди Абидат Эюбова. Лагьана кIанда хьи, адавай аялриз халисан сувар ийиз хьана.

Аялри лезги чIалал цIийи йисакай, январдикай, хъуьтIуькай шиирар кIелна.  Лезги мультфильмайриз, къалурунриз килигна.
Шииррикай садбур чна квезни кIелиз теклифзава:
 
«Икьван хъсан тІакь («мороз») буба
атанва чи мектебдиз
ЧІехи шишел кьуна кІула
Паяр гъанва аялриз.
 
ТІакь буба ви чуруд хел
Кацин тум хьиз яргъи я
Вуч иер я ви яру нер
ЯтІани вун чаз кІани я.
 
Къе цIийи йисал вил алаз жез
Чун муьткверал элкъвезава
И муьткверал лугьуз-хъурьез
Чи мурадар лугьузава.
 
Чи муьтквериз гаф авач
Аялриз ам масан я
Ина тІакь бубани пара
КІани мугьман я.
 
Гъанва ада муьтквер къацу
Акъваз тийиз элкъвезава ам
ТІакь буба туш хьи яцу
ГецІияр гваз къвезава ам.
 
Килиг садра тІакь буба
Кьилел алаз бармак зурба
Тамада хьиз жезава секин
Кьуьлер ийиз яваш йигин».
 
Теймез Рамалданова, чи кIелзавай аялрикай садан бубади, вичин фикиррикай, мектебдин кIвалахрин акунрикай лагьана.
«Зун пара шад я, зи хвадивай эхирни-эхир хайи чIал чириз жезвайди. Чи хьтин са шумуд миллетдикай хьанвай хизанра им лап герек я, вучиз лагьайтIа маса  мумкинвилер ам чирдай артух авач.

ЧIал чирунлай гъейри, абурувай жезва сад садахъ галаз рахаз, кIилияр («друзья») жезва, чIехи хьайла абурувай чпин чир-хчир лезгийрин кьадар еке ийиз жеда.  Хъсан жедай, идалай гъейри кьуьлер ийизни чир авунайтIа, заз кIевидаказ чизва, гьакI хьанайтIа, мадни гзаф ксар къведай».

Мадни чаз лугьуз кIанзава, Теймез Рамалданован хвади вичин баде лап шел къведайвал шадарна, телефондай адахъ галаз лезги чIалал рахайла.
Чаз играми кIелзавайбуруз лезги мектебдин чIехидан Абидат Эюбовадин нафар хълагьиз кIанзава:

"Играми жуванбур!
Лезги автономиядин чIехибурун патай квез алукьзавай цIийи йис мубарак ийиз кIанзава. Чаз виридаз ам хъсанди, туькIвейди хьуй.
Январдин суварар куьтягь хьайила кьулухъ чи тарсар I7-лагьай январдилай давамар хъжеда. Чна умуд хуьзва, цIийи йисуз чаз цIийи кIелдайбур къведайди.

Чна чи чIал, чи диб квадарун дуьз къведач.  Чаз чи мектебда къвез-къвез чими, гъвечIихайи дигедин кIатI ийиз кIанзава».
 Мярекат куьтягь хьайила, вирида санал ацукьна чай хвана. Аялар гьамиша лезги чIалал рахаз алахъзава, гьикьван четин хьайитIани, регъуь хьайитIани.

Чна рикIел хкизва куьн, тарсар гьар кишни гьяд йикъуз сятдин цIикьведалай пудал кьван ЛММФДАдин идарада кьиле физва. Чун авай чка: Старая Басманная куьче, кIвал I9, пай I2, 3-й мертеба.

Аялрихъ галаз диде-бубайриз кьилдин рикIи чIугвадай ихтилатар тухуда.

Мектебдин чIехиди язва вини дережадин муаллим 23-йисан нетижа авай, «Урусатдин виридалайни хъсан муаллим» тIвар алай грант къачур Эюбова Абидат Керимханан руш.

Сулейман Джафаров

ЛММФДАдин корреспондентрин кIватIал

.

.

Мумкин я ваз килигиз кIан хьун:

Новогодний утренник по-лезгински

Дагъустан цIийи хъувур кас

«Сулейманан вахт къвезва…»

Лезги мектеб Москвадин юкьва

Шегьердин аялриз дидедин чIал хкун

Къейдер (0)