2015-лагьай йисуз пара важиблу лезги ктабар акъатна
Хел: 
Алай йис лезги кIелдайбур паталди кутугайди хьана. И йисуз Азербайжанда, Дагъустанда ва Россияда чи чIалаз, тарихдиз, медениятдиз, эдебиятдиз, ацукьун-къарагъуниз талукьарнавай 80-дав агакьна ктабар чап хьана.
Са бязи ктабар халкьдин уьмуьрда чIехи вакъиадиз элкъвена. Абурукай яз Ярославлдин лезги-милли автономияди урус чIалал чапдай акъудай «СтIал Сулейман» (цIийи таржумаяр), шаир ва кхьираг Гьуьсейн Гьуьсейнован «Гьасан Алкьадари» (урус чIалал), тIвар-ван авай зари ва алим Гьаким Къурбанан «Лезги зарияр», «Самур» газетдин кIвалахдарар Седакъет Керимовади ва Муьзеффер Меликмамедова туькIуьрай «Лезги чIаланни азербайжан чIалан гафарган», Азербайжан Республикадин Медениятдин Министерстводи ва М.Ф.Ахундован тIварунихъ галай Милли Ктабханади «Седакъет Керимова» тIвар гана чапдай акъудай чIехи библиография ва маса ктабар мисал яз къалуриз жеда.
2015-йисуз вич фадлай Бакуда кардик квай «Уьфуькъ – S» тешкилатди ва «Самур» газетдин редакцияди санал «Лезгияр» проект кьилиз акъудна. И проектдин нетижа яз азербайжан, урус ва ингилис чIаларал «Лезгияр» ктаб чапдай акъудна. Ктабдин авторар Седакъет Керимова ва Муьзеффер Меликмамедов я.
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Болгарияда лезгидин ктаб акъатна
Лезги чIал гьикI хуьн? - “Самур” газетдин элкъвей стол
“Алам” журналдин “Марвар” кIватIалдин мярекат Махачкъалада кьиле фена
Къейд эцигун