Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Аялрин сувар Кьурагьа

Аялар хуьнин Международный югъ Кьурагь райондани шад мярекатралди къейдна. И югъ гъвечIи гражданрин месэлаяр акун, абурун къайгъуда хьун, властри, обществоди абур гьялун патал тайинарнавайди я.

Идалайни башкъа, сувар тухунин кьилин макьсад акьалтзавай несил милли культурадин виридалайни хъсан чешнейралди, эдеблу, Ватан, инсан кIан хьунин гьиссералди тербияламишун я.
Къейд ийин хьи,Кьурагь райондин администрацияди акьалтзавай несил тербияламишуниз кьетIен фикир гузва.

1-июндиз райондин Культурадин фойеда, райондин искусствойрин школада чирвилер къачузвай аялрин иштираквал аваз, Виридуьньядин аялар хуьдай йикъаз талукьарнавай мярекат кьиле фена.

Иниз райондин хейлин хуьрерай искусствойрин школайра чирвилер къачузвай ва Кьурагьрин "Солнышко” тIвар алай ясли-бахчадай аялар атанвай. Абуруни концертдин программада иштиракна, кьуьлерна, манияр тамамарна. Аялринни муаллимрин гъилин-тупIун сенятрин выставкани итижлуди тир.

Мярекат Кьурагьрин 1-нумрадин юкьван школадин ученик Баламирзе Къазиева ачухна ва сифте гаф "Кьурагь район” муниципальный тешкилатдин кьилин заместитель Альберт Исаеваз гана. Ада аялризни абурун диде-бубайриз, муаллимриз и югъ рикIин сидкьидай мубаракна. Аялар хуьнин суварин шадлухдай тебрикдин хуш келимаяр гьакI Культурадинни информациядин ва печатдин Центрадин начальникдин заместитель Эльмира Исаевади, аялрин диде-бубайрин патай Раиса Гьажихановади, райондин искусствойрин школадин директор Магьарам Къазиева лагьана.

Суварин шадвилерик аялри манияр лагьана, кьуьлер авуна, пианинодал, далдамдал, чIагъандал, кларнетдал макьамар яна. Тафаватлу хьайи аялрив ва цIи искусствойрин школа акьалтIарзавайбурув "Кьурагь район” муниципальный тешкилатдин кьилин патай гьуьрметдин грамотаяр ва дипломар вахкана.

Лезги Газет

Дайджест

Мумкин я ваз килигиз кIан хьун:

Стlал-Сулейман районда нетижаяр кьуна

Шалбуздагъдин макьамарни везинар

Дербент райондин Белижда Чlехи Гъалибвилин 70 йисаз талукьарнавай мярекатар ...

Яран сувар Кьиблепатан Дагъустанда

Яран сувар Кьиблепатан Дагъустанда

Къейдер (0)