Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Ахцегьрин райадминистрацияда важиблу месэлаяр гьялна

 

Ахцегь райадминистрацияда райондин активдин нубатдин заседание хьана. Анал ЧIехи Гъалибвилин 70 йисан юбилейдиз талукь яз дявединни зегьметдин ветеранриз медалар гунин, районда РД-дин Кьилин кар алай проектар уьмуьрдиз куьчуьрмишзавай гьалдин ва район газламишунин важиблу месэлайриз килигна.

Сад лагьай месэладай райадминистрациядин кьилин заместитель Алмас  Шуаева къейд авурвал, Гъалибвилин юбилейдин медалар чкадал хканва. Районда абур гуниз лайихлу 209 ветерандин сиягь туькIуьрнава. Медалар чпин иесийрив тайинарнавай вахтара гьар са хуьре властдин органрин иштираквални аваз шадвилин гьалара вахкуда.

Райондин регьбер  Осман  Абдулкеримова РД-дин Кьил Рамазан Абдулатипован кар алай проектрай гьар са хуьре жемятдин умуми сходрал тIал-квал алай месэлаяр веревирдна, яшайишдинни экономикадин ва культурадин гьалар хъсанардай  гьакъикъи программаяр туькIуьрунин  тапшуругъ гана. Месела, "Сельсовет Ахтынский” муниципалитетдин программадик Гъалибвилин сувариз СССР-дин Игит, лётчик Валентин Эмирован тIварунихъ галай ял ядай багъ цIийикIа туькIуьр хъувун ква. 

Ахцегь район газламишунин месэладиз кьетIен фикир гана. Осман Абдулкеримова къейд авурвал, республикадин бюджетдай пара зайифдаказ финансламишун себеб яз, райцентр газламишунин кIвалахар энгел  хьанва. Ингье и йикъара Ленинан куьчеда кIвалахар башламиш хъувунва. Нетижада февраль-мартдилай Ленинан, Межидован ва Герейханован куьчейра 500-ев агакьна кIвалер газламиш жеда. Гьа са вахтунда бюджетдилай алава чешмейрин гьисабдай ва жемятдин куьмекдалди хуьрер газламишунин кардивни эгечIзава. И месэладин гьакъиндай газопровод тухудай карханадин пешекар  Абдуселим  Абдулселимов  рахана.

- Гьуьрметлу районэгьлияр! ТIебии газ  кIвалера хьун - им дагълух хуьрер хуьнин ва абур яшайишдинни экономикадин рекьяй вилик тухунин кьетIен шартI я. Кризисдин къенин четин гьалара чна халкьдин "Жемятдин къажгъан муркIадални ргада” мисал рикIел хкун лазим я. Куь ватанэгьли яз, месэладин вири жавабдарвал за жуван хивез къачузва. Самур дередин Калукрин, Луткунрин, КьакIарин, Хуьруьгрин, Ялахърин ва Цуругърин хуьрериз 15 километрдин газопровод чIугун патал и хуьрерин гьар са кIваливай, райцентрадикай мукьва-яргъа хьуниз килигна, 12-18 агъзур манат пул (им са хъуьтIуьз кудайдан харжиярни туш!) кIватIун герек къвезва. ИкI, хозрасчётдин къайдадин газопровод чаз гьукуматдин къиметрилай 2-3 сефердин ужуздаказ акъваззава ва кIвалахни зулухъ куьтягьда. Гьелбетда, еке зегьмет хуьрерин кавхайрални акьалтда, жемят гъавурда туна кIанда. Чи пешекарри эцигунрин махсус проект ва сметадин чарар-цIарарни туькIуьрнава. Документациядин вири харжиярни райадминистрацияди вичин хивез къачузва. 

Разивилелди лугьун, районэгьлийрин яшайишдин метлебдин и месэладай Калукринни Цуругърин хуьрерин сходрал жемятрин разивилин къарарар кьабулнава ва пул кIватIунивни эгечIнава. Талукь тир собранияр  инал тIварар кьур муькуь хуьрерани планламишнава.      
     

Дашдемир Шерифалиев

.

Лезги Газет

.

Мумкин я ваз килигиз кIан хьун:

Кьурагьиз шегьре рехъ ачухна

Шалбуздагъдин макьамарни везинар

Гьихьтин яд хъвазва чна?!

15-апрелдиз Ахцегьа Шагьабас Исмаилован 95 йисан юбилейдиз талукь мярекат кьиле фена

Ахцегьа МФЦ кардик акатна

Къейдер (0)