Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Дербендин гьалдрунар

Шегьерда кьацIай краринни ихтилатрин кьулухъ акъвазнавайди вуж я?

 

Дербенда алатай йикъара хьайи крариз килигайла, са шакни авачиз чавай лугьуз жезва ана гужунралди инсанар сад садал гьалдарзавайди. Ихьтин кIвалахди вилаятда миллетринни динрин арада алакъайриз зиян гун мумкин я. Аквадай гьаларай са шумуд къуват ава и крарик хуькуьрзавай.

Исятда Дербенда авай гьалар арадал атайди я, Советская тIвар алай куьчедиз Гьейдар Алиеван тIвар гайила кьулухъ. Дагъустандин кьили Рамазан Абдулатипова лагьайвал, тIвар масакIа авун гьадан вичин мурад тир.

Мадни Азербайджан Республикадиз кIанзавай Дербендани къвалари гвай чкайра Олимпиядин комплекс эцигиз, рекьер, кIвалер цIийи хъийиз ва мсб.
Анжах Дагъустандинни Азербайджандин арада лап вини дережадин меслятар авай тиртIани, «аламатар» хьанач. Чаз акурвал, Дагъустандин чIехибуруз кIан хьана и вири кIвалахар, эцигунарни кваз, Дербен чиле ваъ,Республикадин меркезда ва масса чилера авун.

Амма ихьтин меслятар маcакIа авунар кьибле патан къуншидиз иер акур хьтинди туш. Дербен квачиз маса чкайриз арцI ахъайиз абур рази хьанач. Дербендин юбилей тухун патал ийизвай гьазурвилеризни пара зиянар хьана, пулар тIимил хьайила. И крарихъ галаз санал гьалдрунриз ухшар тир хабарарни фитнеяр аъатиз хьана, вични виридалайни вилик Азербайджандин прессада.

Им анжах эвел кьил тир. Са арадилай акъатна тапарар Совет гьукуматдин игит Шамсула Алиеван гьуьрметдин имарат чукIуруникай, Азербайджанда са шумуд сайтдал акъатна, Урусатдани, месела, «Къавкъаздин вестник» сайтдал. Гьукуматдин патай хабар акъатнатIани, ам тапарар тирди, адаз и сайтри килиг хъунач.

ЦIийи йис алукьайла кьулухъ фитнеяр мадни гзаф хьана. Садлагьана «чир хьана» виридаз, Дербендин азербайджан миллетдин векилар гужунралди эхзавайди митингриз экъечI тавуна. И кIвалахдин себеб ялдай шегьердин шиитрин пIир Сеид Мир-Гафаран сур чIукIурун.

Ахпа и крарикай кхьиз эгючIна «Vesti.Az» лугьудай фитнеяр твазвай сайтдал кьил квахьнавай «кхьираг» Бахрам Батыева. Ада Дербендиз «дегь заманадин Азербайджан шегьер» лагьана, пара кьацIай гафар кхьена лезгийрикайни чи тешкилатдикай. Мадни ада лагьана, I0-й январдиз Дербенда азербайджанар куьчедал экъечIдайди, чIехи гьакимриз чпин четинвилер къалурдайвал.

Ахпа мадни хабар агакьна Низами Гянджевидин гьуьрметдин имаратдал алай пекиниз са ни ятIани цIай ягъайди, идазни азербайджан миллетдиз акси тир гьерекат лагьана. Гьикьван лагьайтIани, Низами азербайджан миллетдикай туширди, вичин эсерар вири фарс чIалал кхьизвайди – садбуруз яб гуз кIанзавач.

Суран себебдин патахъай «Азеррос» сайтди квазни кхьенвай: «Дербендиз Сеид Мир-Гафаран сурал хьайи кардин патхъай силиса тухудайвал ракъурай комиссияди тестикьарна: ам чIукIурай касни хьайи туш. Суран винел къван аватнавай, гьам жуван чкадал эхциг хъувуна».

 Дербендай гьакIани пара хабарар агакьзавай, ихьтин гьерекатриз арцI ахъайзавайбур са шумуд авайди. И вири крарин себеб вуч ятIа, чаз хьайи «митингдиз» килигайла, аквазва. Къанунар хуьн тавуна экъечIнавайбурув гвай гафар тир вири шегьердин кьил Имам Яралиеваз акси тирбур.

Ибур квачиз мадни са фикир ава, вуч мумкин ятIа хьайи кIвалахдин себеб хьун. Шегьерда садазни герек авачир ванер туникай, инсанар дили авуникай юбилейдиз ракъурнавай арцI чуьнуьхнавайбуруз хийир ава. Вучиз лагьайтIа, эгер Дербенда къарагъунар хьайитIа, абурувай вири чпин крар кIеви ийиз жеда, шегьердин чIехидал вири вегьена.

Чаз чизва, лезгийризни, азербайджанризни кьил авай, уьмуьр чизвай, гьуьрмет авай инсанар гзаф авайди. Абурувай чеб чпихъ галаз гьамиша меслят ийиз жеда, вири вахтара гьакI тир. Кьибле патан Дагъустандин халкьаривай жеда чеб душманривай хуьз, чи арада къал тваз кIанзавай. И кIвалахда чаз Махачкалада ацукьнавайбурун куьмекарни герек туш, чи халкьари виш йисаралди санал уьмуьр тухвайди я.

Исятда Дербенда твазвай ванер, ийизвай югъунар кьиферин къугъунар тирди аквазва. Чи еке гьукуматдин виридалайни пара яш авай шегьерди абур вири гьич ийида.

Амиль Саркаров

.

ФЛНКА

Мумкин я ваз килигиз кIан хьун:

Дагъустандин ЦIаяра аялрин сувар

Гьикьван гзаф чIалар чир хьайитIа, гьакьван чун Гафунин деринра гьахьзава.. ...

Дагъустан цIийи хъувур кас

Шегьердин аялриз дидедин чIал хкун

Меркездай Кьибле Дагъустан аквазвач

Къейдер (1)

Комментарий #1 написал: Derbent

21.01.2015, 23:08   |   Зарегистрирован: --   |   ICQ:   |     |   Статус:


Группа: Гости
Публикаций: 0
Комментариев: 0

ФЛНКА-куь рехъ екуь хьурай.