Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Стlал-Сулейман районда нетижаяр кьуна

И йикъара Сулейман-Стальский райондин агъсакъалрин советдин заседание хьана. Адан кIвалахда муниципальный райондин кьил Нариман Абдулмуталибова, администрациядин кьил Штибег Мегьамедханова, адан заместителар тир Лацис Оружева, Саид Темирханова, хуьрерин поселенийрин кьилери, агъсакъалрин советрин председателри, администрациядин управленийринни отделрин руководителри иштиракна.

2015-йисуз агъсакъалрин советди тухвай кIвалахдикай адан председатель Фахрудин Османова лагьана

— Агъсакъалрин советди вичин кIвалах Кеферпатан Кавказдин федеральный округда Президентдин патай тамам ихтиярар авай Векил Сергей Меликова гайи тапшуругъар кьилиз акъудунин пландихъ галаз кьадайвал тешкилна, — лагьана Ф.Османова. — Ана экстремизмдин вилик пад кьуниз, гъвечIи ва юкьван карчивал вилик тухуниз, экономика вилик тухудай рекьер жагъуруниз, кьилин фикир ганва.

И рекьерай, гьакIни райондин агьалийрин уьмуьрдин шартIар хъсанарунин, акьалтзавай несил ватанпересвилин руьгьдаллаз тербияламишунин ва ихьтин маса месэлайрай агъсакъалрин советди, хуьрерин кьилери, агъсакъалрин советри, поселенийрин кьилери, карханайрин руководителри чпин кIвалах мадни гужлу авун герек я. Терроризмдин ва экстремизмдин къурхулувал екеди яз ама. Адаз аксивал авун, адан вилик пад кьадай серенжемар кьабулун чи сифте везифа хьун лазим я.

Заседанидал "Хизанда хъсан крар арадал гъунин рекьяй райондин образованидин идарайрин кIвалахдин ва акьалтзавай несилдиз чирвилер ва тербия гунин рекьяй диде-бубайрин везифайрин гьакъиндай” месэладизни килигна. Райондин образованидин управленидин кьилин пешекар Венера Абдуселимовади къейд авурвал, винидихъ къалурнавай месэлаяр школайра "Хизан” программадин сергьятра аваз уьмуьрдиз кечирмишзава, адан кьилин мурадни акьалтзавай несил тербияламишунин карда муаллимрин, кIелзавайбурун ва диде-бубайрин алакъа сад авуникай ибарат я.

Заседанидал чпин фикирар ветеранрин советдин председатель Абдулаким Гьажимурадова, Курхуьруьн 2-нумрадин юкьван школадин директор Набиюлагь Алхасова ва масабуру лагьана.

Нариман Абдулмуталибова, заседанидал килигай месэлайрин важиблувал къейдна, агъсакъалрин советди гьахъ-гьисабдин девирда тухвай кIвалахдилай разивал авуна, гьа са вахтунда, кIвалах мадни хъсанардай меслятар къалурна, теклифар гана.

Лезги Газет

.

Мумкин я ваз килигиз кIан хьун:

Кьурагьиз шегьре рехъ ачухна

Дербент райондин Белижда Чlехи Гъалибвилин 70 йисаз талукьарнавай мярекатар ...

Госдумадин депутатдихъ галаз жегьилрин гьалтун кьиле фена

Дагъустандин намусдин азадвилинни, динрин тешкилатрихъ галаз кIвалах тухуни ...

Сергьятар гегьеншарзава

Къейдер (0)