Azər Qasımov Fergusondakı hadisələrdən narahatdır

 

Azərbaycan prezidentinin mətbuat katibi, şərh almaq üçün əlçatmaz olan Azər Qasımov gözlənilmədən dünən ABŞ Dövlət Departamentinin nümayəndəsi Ceyn Psaki tərəfindən rəsmi Bakının ünvanına səslənmiş tənqidə münasibət bildirib.

Xatırladaq ki, Psaki insan hüquqlarının pozulmasına və vətəndaş cəmiyyətinin təqibinə görə növbəti dəfə Bakını tənqid edib.

Qasımov AzərTAc-da yayılmış şərhində Psakiyə "qərəzli, riyakar, qeyri-real fikirlərdən əl çəkməyi və öz ölkəsində insan hüquqlarının kobud şəkildə pozulması faktlarına diqqət çəkməyi” məsləhət görüb.

Xüsusən, Qasımov ABŞ-da vaxtaşırı irqi ayrı-seçkilik faktlarından, dinc nümayişçilərə qarşı polis zorakılığından, kütləvi həbslərdən narahatdır.

O, həmçinin ABŞ-da media azadlığı sahəsində problemlər olduğunu qeyd edib.

Sonda Qasımov Psakiyə sözügedən faktları inkar etməməyi, ikili standartlara əl atmamağı və qeyri-obyektiv məlumatlara istinad etməməyi tövsiyə edir.

.

contact.az

.