Federal lәzgi
milli-mәdәni muxtariyyәti

İlham Əliyev U-17 Futbol üzrə Avropa Çempionatına 2 mln. manat ayırıb

 

Prezident İlham Əliyev bu gün 17 yaşına qədər gənclər arasında futbol üzrə Avropa Çempionatının Bakıda keçirilməsinin təmin edilməsi üçün Azərbaycan Futbol Federasiyaları Assosiasiyasına 2 mln. manat (1,2 mln. dollar) ayrılması haqqında sərəncam imzalayıb.

Qeyd edək ki, çempionatın keçirilməsi üçün 1 mln. avro da UEFA ayıracaq.

Uçuş və ölkədə qalma xərclərini komandalar özləri çəkir.

Futbol üzrə 15-ci U-17 Avropa Çempionatının final mərhələsi 2016-cı il mayın 5-dən 21-nə qədər Bakıda keçiriləcək. Avropa çempionatında 16 komanda iştirak edəcək. Maçlar 4 stadionda – Bakı Olimpiya Stadionunda, "Bakcell arena”da, "Dalğa arena”da və Suraxanı qəsəbəsində Tofiq İsmayılov adına stadionda keçiriləcək.

Azərbaycan yığması ev sahibi haqqı ilə təsnifat mərhələsində iştirak etmədən Avropa Çempionatında iştirak etmək hüququ əldə edib. 

.

www.contact.az

.