Federal lәzgi
milli-mәdәni muxtariyyәti

JMK: Bakıda Avropa Oyunları üçün bütün jurnalistlər akkreditasiya almayacaq

 

Jurnalistləri Müdafiə Komitəsi Avropa Olimpiya Komitəsinin sədri Patrik Hikiyə məktub göndərərək, onu Birinci Avropa Oyunlarının keçiriləcəyi Azərbaycanda xoşagəlməz mühitə diqqət yetirməyə çağırıb.

Oyunların işıqlandırılması üçün akkreditasiya almaq məqsədilə 1300 beynəlxalq jurnalist müraciət edib. Lakin onların maneəasiz işinə zəmanət verilməyib. Belə ki, XİN-in mətbuat katibi Hikmət Hacıyev bildirib ki, Azərbaycanın ərazi bütövlüyünə və müstəqilliyinə qarşı fəaliyyət göstərən jurnalistlərə akkreditasiya verilməyəcək.

Məktubda deyilir ki, Hacıyevin bəyanatı oyunların işıqlandırılması üçün medianın fəaliyyətini şübhə altına qoyur.

JMK xatırladır ki, Azərbaycanda 8 jurnalist həbsdədir. Məktub müəllifləri xatırladırlar ki, Azərbaycanda azad mətbuata və vətəndaş cəmiyyətinə qarşı təzyiq güclənib. Azərbaycan həmçinin KİV-ə qarşı senzura tətbiq edən ölkələr siyahısına salınıb.

JMK Olimpiya Komitəsini Azərbaycan hökumətinə təzyiq göstərməyə və ölkədə mətbuat azadlığı üçün zəmanət almağa çağırıb.

.

contact.az

.