Əli Həsənov Azadlıq radiosunu təxribatda ittiham edib
Category: 
Azərbaycan prezidentinin ictimai-siyasi məsələlər üzrə köməkçisi Əli Həsənov beynəlxalq hüquq müdafiə təşkilatlarnın Avropa Oyunları ərəfəsində siyasi məhbusları azad etmək çağırışlarını Azərbaycana qarşı "qara piar” kampaniyası kimi qiymətləndirib.
""Təəssüf ki, davamlı şəkildə Azərbaycanın iqtisadi, sosial, siyasi, humanitar və digər sahələrdə əldə etdiyi uğurları gözdən salmağa çalışan bəzi yerli qruplar və xarici dairələr bu fürsəti də əldən vermək istəmir və l Avropa Oyunlarını ölkəmizə qarşı həyata keçirilən "qara piar” kampaniyasının baş mövzusuna çevirməyə çalışırlar. "Amnesty İnternational” təşkilatının Avropa Oyunlarını boykot çağırışı, oyunlara hazırlıqla bağlı həyata keçirilən tədbirlər haqqında dezinformasiyaların dövriyyəyə buraxılması, xarici KİV-də sifarişlə yerləşdirilən qərəzli, qeyri-obyektiv materiallar və digər məsələlər bu cəhdlərin bariz nümunələridir”, deyə Həsənov AzərTAc-a müsahibəsində bildirib.
Bundan başqa, "Azadlıq” radiosu başda olmaqla bəzi maraqlı qüvvələr sosial şəbəkələrdə guya Azərbaycanda Avropa Oyunları ilə əlaqədar heyvanlarla qəddar davranıldığını əks etdirən video yayırlar.
Həsənovun sözlərinə görə, bu videokadrlarda "hadisənin məhz Azərbaycanda baş verdiyini təsdiq edən heç bir dəlil yoxdur”. "Bu da bir daha sübut edir ki, bu kimi "faktları” ortaya atanlar Avropa Oyunları ərəfəsində Azərbaycanın imicini ləkələməyə və mühüm beynəlxalq idman tədbirinə qarşı açıq təxribat törətməyə çalışırlar”, deyən Həsənov bu kampaniyanı "Eurovision-2012” müsabiqəsi zamanı törədilmiş "təxribatla” müqayisə edib.
.
Maybe you are interested in:
A.Rəhimov: Avropa Oyunları 1 mlrd. manata başa gəlib
AzOK İsveç OK-ni Azərbaycana qərəzdə ittiham edir