ABŞ Dövlət Departamentinin xüsusi nümayəndəsi Bakıya gəlib
Category: 
İyulun 11-də prezident İlham Əliyev ABŞ Dövlət Departamentinin enerji məsələləri üzrə xüsusi nümayəndəsi Amos Hokştaynı qəbul edib.
Dövlət başçısının saytında bildirilib ki, görüş zamanı Azərbaycanla ABŞ arasında ikitərəfli əlaqələrin müxtəlif sahələrdə inkişafının hazırkı vəziyyəti və perspektivləri ətrafında fikir mübadiləsi aparılıb, ölkələr arasında enerji sahəsində əməkdaşlıqdan məmnunluq ifadə olunub və bu əməkdaşlığın davam etdirilməsinin vacibliyi vurğulanıb.
Qeyd edək ki, A.Hokştayn Bakının qəbul etməyə razılıq verdiyi yüksək rütbəli amerikalı məmurdur. Belə ki, bundan öncə dövlət katibinin müavininin köməkçiləri, insan hüquqları və demokratiya məsələləri ilə məşğul olan Tomas Melia və Tom Malinovskinin səfərlərindən imtina edilib.
Bu, belə düşünməyə əsas verir ki, Bakı Vaşinqtonla Avropa ilə müzakirə etmək istədiyi məsələləri – ticarət və energetka məsələlərini müzakitə etmək niyyətindədir.
.
Maybe you are interested in: