İşçi Qurpu Avropa Şurasını “anti-Azərbaycan qüvvə” hesab edir
Category: 
Avropa Şurasının Baş katibi Turbyorn Yanqlandın nümayəndəsini Birgə İşçi Qrupun (BİQ) tərkibindən geri çağırmasına cavab olaraq BİQ bəyanat yayıb.
Sənəddə 2005-ci ildə hüquq müdafiəçiləri və hakimiyyət təmsilçilərindən ibarət birgə işçi qrupu yaradılması, insan hüquqlarının müdafiəsinin hakimiyyətlə əməkdaşlıq çərçivəsində həll edildiyi xatıraldılır.
Daha sonra sənəddə "anti-Azərbaycan qüvvələrin, o cümlədən Avropa Şurasındakı bəzi dairələr”in ölkədə vətəndaş cəmiyyəti ilə hökumət arasında dialoqun qarşısını almağa səy göstərdiyi iddia edilir.
İşçi qrupunun AŞ-ı dialoqa maneələr törətməməyə çağırdığı, amma AŞ-ın "qərəzli” yanaşması nəticəsində 2008-ci ildə qrupun fəaliyyətini dayandırmasına nail olduğu iddia olunur. Sənəddə qrupun fəaliyyəti dövründə 150-yə yaxın məhkumun azad edildiyi vurğulanır.
Bəyanatda 2014-cü ildə AŞ-ın baş katibi T.Yanqlandın dövlət başçısı İlham Əliyevə müraciətilə işçi qrupun fəaliyyətinin bərpa olunduğu qeyd olunur.
Qısa müddətdə insan hüquqlarının müdafiəsi qurumlarının siyahılarında qeyd olunan 16 nəfər azad edilib, 1 nəfərin cəza müddəti azaldılıb.
Bəyanat müəllifləri bu şəraitdə AŞ baş katibinin bəyanatının "təəccüb və təəssüf hissləri doğurduğunu bildirir.
"Hesab edirik ki, anti-Azərbaycan qüvvələrinin təkidi və təsiri nəticəsində AŞ baş katibinin qəbul etdiyi bu əsassız qərar yalnız Avropa Şurasının nüfuzuna xələl gətirir”, - deyə müəlliflər T.Yanqlandı ittiham edirlər.
Son olaraq, İşçi qrupu "anti-Azərbaycan qüvvələri çirkin oyunlarına son qoymağa çağırırlar.
.
Maybe you are interested in: