ABB-nin keçmiş rəhbəri Cahangir Hacıyev saxlanılıb
Category: 
Azərbaycan Beynəlxalq Bankının (ABB) keçmiş rəhbəri Cahangir Hacıyev dələduzluq və digər iqtisadi cinayətlərin törədilməsində şübhəli bilinərək saxlanılıb. O, DİN Baş Mütəşəkkil Cinayətkarlıqla Mübarizə İdarəsi tərəfindən saxlanılıb.
Hüquq-mühafizə orqanlarındakı mənbələrdən məlum olub ki, onun barəsində 4 ay müddətinə həbs qətimkan tədbiri seçilib.
53 yaşlı C.Hacıyev bu il martın 18-də "səhhətilə əlaqədar” ABB bankının rəhbəri postundan istefa verib.
Bundan sonra bankın bir neçə keçmiş yüksək vəzifəli əməkdaşı və bankdan külli miqdarda kredit alan biznesmenlər həbs olunublar. Qeyri-rəsmi məlumatlara görə, ABB-yə qaytarılmayan kreditlərin həcmi 6 mlrd. dollara çatıb.
C.Hacıyevin yaxın qohumu Eldar Mahmudov oktyabrın 17-də öz vəzifəsindən çıxarıldıqdan sonra C.Hacıyevin dindirilməsinə başlanılıb.
.
Maybe you are interested in:
MTN-də “təmizləmə” işləri tam sürətlə gedir
“Global Construction” şirkətinin rəhbəri saxlanılıb
Yeni qalmaqalın – oliqarxgeytin arxasında nə durur?