Novruz Məmmədov: Biz sanksiyalardan qorxmuruq
Category: 
Azərbaycana qarşı sanksiyalar tətbiq etmək çağırışları Bakıya təzyiqdir. Bu barədə jurnalistlərlə söhbətində Azərbaycan Prezident Administrasiyasının xarici əlaqələr şöbəsinin rəhbəri Novruz Məmmədov bildirib.
"Azərbaycana qarşı hansı sanksiyalar tətbiq edilə bilər? Belə bir təhlükənin mövcudluğu haqqında söhbətlərdən xəbərimiz var, bütün bunlar bizə təzyiq göstərmək üçün edilir”, deyə Məmmədov bildirib.
Onun sözlərinə görə, Azərbaycan ABŞ və Avropanın maraqlarında olan "Cənub qaz dəhlizi” layihəsinə 45 mlrd. dollar yatırmağa hazırlaşır. Lakin avropalılar 10 il ərzində Nabucco boru kəmərini tikməyi təklif ediblər, sonradan isə ondan imtina ediblər.
"Avropa düşünməlidir ki, niyə Azərbaycanla belə oyun oynayıblar? Bəs məsuliyyət hanı? Hətta üzr istəmədilər, 10 ildir gəlib Nabucco haqqında müzakirələr aparmaqla səhv etdiklərini deməyiblər”. Belə olmaz axı!
Buna görə, bizim narahatlıq üçün əsasımız yoxdur”, deyə Məmmədov bildirib.
.
Maybe you are interested in:
“Azərbaycan Ukraynaya 1 milyard dollar verməyəcək”