Əfv olunanlar arasında cəmi iki siyasi məhbus var
Category: 
Azərbaycan prezidenti İlham Əliyev 101 nəfərin əfv olunması haqqında sərəncam imzalayıb.
Sənədə əsasən, 90 nəfər qalan həbs cəzasından azad edilir. Daha dörd nəfər islah işlərindən, 7 nəfər pul cəriməsindən azad edilir.
Həbs cəzasının qalan hissəsindən azad edilənlər arasında cəmi iki siyasi məhbus var – gənc fəal Orxan Eyyubzadə (2014-cü il mayın 6-da NİDA fəalları barəsində hökmə qarşı etiraz aksiyasında iştiraka görə həbs edilib və polisə qarşı güc tətbiq etmək ittihamı ilə 3 il müddətinə azadlıqdan məhrum edilib) və Bəşir Süleymanlı (Seçkilərin Monitorinq və Demokratiya Mərkəzinin direktorunun işi üzrə 2014-cü ilin may ayında həbs edilib və 3,5 il müddətinə azadlıqdan məhrum edilib).
.
Maybe you are interested in:
Siyasi məhbusların bir hissəsi azad edilib
İki NİDA fəalı azadlığa çıxıb