ЦIийи йисан вилик савкьатрин выставка
Хел: 
Дагъустан Республикада ингье кIуьд лагьай сеферда "Россиядин къизил къашарин алем” выставка тешилзава. Ам 12-16-декабрдиз, адет тирвал, республикадин Милли библиотекада кьиле фида.
Дагъларин уьлкве патал им, гьелбетда, дуьшуьшдин мярекат туш. ГьикI хьи, гьеле къадим девирра гзаф дагъвияр заргарар яз машгьур хьанай. Исятдани уьлкведа, дуьньяда машгьур заргарар Дагъустанда тIимил авач. Махачкъаладин кьилин куьчейра къекъведайлани аквазвайвал, анрин кьве патани савкьатрин, заргаррин гъилин-тупIун шейэрин туьквенар санбар ава. Муькуь патахъай, чи халкьариз гуьзелвилин, гуьрчегвилин чпин кьетIен дад, къайдаяр хас я. И кар муьжуьд сеферда Махачкъалада кьиле фейи выставкадин иштиракчийрини кьатIанай.
Дагъларин уьлкве патал им, гьелбетда, дуьшуьшдин мярекат туш. ГьикI хьи, гьеле къадим девирра гзаф дагъвияр заргарар яз машгьур хьанай. Исятдани уьлкведа, дуьньяда машгьур заргарар Дагъустанда тIимил авач. Махачкъаладин кьилин куьчейра къекъведайлани аквазвайвал, анрин кьве патани савкьатрин, заргаррин гъилин-тупIун шейэрин туьквенар санбар ава. Муькуь патахъай, чи халкьариз гуьзелвилин, гуьрчегвилин чпин кьетIен дад, къайдаяр хас я. И кар муьжуьд сеферда Махачкъалада кьиле фейи выставкадин иштиракчийрини кьатIанай.
Къизилринни маса безекрин выставка цIи кьвед лагьай сеферда кьиле фида. И мукьвара выставкадин тешкилатчияр "Дагъустандин правда” газетдин редакцияда журналистрихъ галаз гуьруьшмиш хьана ва Дагъларин уьлкве патал ЦIийи йисан вилик чIехи сувариз элкъуьн лазим тир мярекатдикай суьгьбетна.
Гуьруьшда республикадин выставкайринни маркетингдин "Дагестан - ЭКСПО» центрадин директор Мегьамед Саругъланова, РД-дин промышленностдин ва алишверишдин министерстводин отделдин начальник Гьамзат Гъазимегьамедова, багьа шейэрин еридал гуьзчивалдай Прикаспийский госинспекциядин кьилин контролёр Шамил Абдуллаева иштиракна.
Выставкадин тешкилатчи "Дагестан-ЭКСПО” я. Адаз и карда Дагъустан Республикадин Кьилин ва Гьукуматдин администрацияди, РД-дин министерствойри, Махачкъаладин администрацияди, Россиядин заргаррин Гильдияди, Россиядин багьа шейэрин еридал гуьзчивалдай палатади ва багьа шейэррин еридал гуьзчивалдай Прикаспийский госинпекцияди куьмек гузва.
Мегьамед Саругъланова къейдайвал, алай йисуз выставкадиз, санлай къачурла, гьа виликан иштиракчияр къведа. Амма и мярекатда сад-кьве сеферда иштиракайбурни цIи мад къведайвал я.
- Выставкадал заргаррин гъилин, искусстводин лап вини дережадин затIар, багьа къванер, савкьатар ва гзаф маса шейэр жеда. Эгер къиметрикай рахайтIа, иштиракчийриз виликан выставкайрал акурвал, санлай къачурла, чи агьалийривай лап багьа шейэр маса къачуз жезвач. ИкI, абуру юкьван къиметрин ва абурулай ужуз шейэр гъида. Гьа са вахтунда чпин авторвилин шейэр гваз къведай карханаяр, кьилдин карчиярни ава. Чи туьквенра авай шейэр чкадал гузвайдалай багьаз ина саки къачун тийидайди абуру аннамишнава. Гьавиляй къиметар чкадинбурулай ужуз жеда, - къейдна М. Саругъланова.
- ЦIи выставка кьвед лагьай сеферда кьиле тухуни субутзавайвал, инсанри чи республикадиз ихтибарзава. Эгер сад лагьай сеферда иштиракчийриз Дагъустандиз къвез кичIе тиртIа, ахпа абур яваш-яваш гъавурда гьатна. Иштиракчийрин жергеда Кеферпатан Кавказдин республикайрин, Москвадин, Санкт-Петербургдин, Костромадин, Якутиядин, Уралдин ва маса чкайрин векилар жеда. Абурун кьадар гьелелиг 40-дав агакьнава. Выставкада гьакIни Дагъустандин устIарри туькIуьрнавай жавагьирар - Кубачидин заргаррин шейэр, гамар-халичаяр ва маса затIар жеда, - лагьана ада.
Выставкада чи устIаррин шейэрни, иллаки гам-халича хьун - им республика патал хийирлу мад са тереф я. Махачкъаладиз къвезвай мугьманри чи устIарри туькIуьрнавай шейэр маса къачуна хутахзава, гьанра авайбуруз къалурзава. Им Дагъустандин бренд арадал атунин мумкинвилерикай сад я.
Гьамзат Гъазимегьамедова журналистриз дагъустанвийрин гъилин-тупIун шейэрикай суьгьбетна.
- Дагъустан вичин сеняткарралди гьамиша машгьур тир. Выставкада иштиракуни абуруз Россиядин карчийрихъ галаз алакъаяр мягькемардай мумкинвал гузва. Чавай Дагъустандин милли брендар "Кубачидин художественный комбинат”, "Кавказдин гамар”, "Унцукулдин художественный фабрика” ва масабур я лугьуз жеда. Чна гьам Россиядин, гьам къунши уьлквейрин гьар жуьре выставкайра иштиракзава. Къейд ийин, Республикадин промышленникрин ва карчийрин сад лагьай форумда "Адетдин сеняткаррин ва Дагъустандин халкьдин устIаррин шейэр” номинацияда гъалибчи, вичел РФ-дин герб алаз, 115 см кьакьанвал авай ваза туькIуьрай "Унцукульская художественная фабрика” ОАО хьана. Кьвед лагьай чка "Кубачинский художественный комбинат” ГУП-ди, пуд лагьай чка "Кавказдин халича” ООО-ди кьуна, - къейдна ада.
Министерстводин векилди лагьайвал, девир дегиш хьанва, къе цIийи-цIийи шейэр майдандиз акъатзава, агьалийри гьар жуьре цIийивилерикай менфят къачузва. Иниз килигна, чнани вахтунихъ галаз кам-камуна аваз вилик фин патал алай девирдив кьур къайдайралди шейэр туькIуьрзава. Гьа са вахтунда Дагъустандин сеняткарвилер арадал хкун патални кIвалах тухузва.
Журналистрихъ галаз багьа шейэрин еридал гуьзчивалдай Прикаспийский госинспекциядин векил гуьруьшмиш хьунни, анин пешекарри выставкадани гьар сеферда иштиракунни дуьшуьшдин кар туш.
Шамил Абдуллаева къейдайвал, эгер и ва я маса карчидивай багьа шейэр къачудайла агьалийрихъ адан еридин гьакъиндай суалар аваз хьайитIа, госинспекциядин векилри а шейэр ахтармишзава. Амма выставкадал ГОСТ-дихъ галаз кьун тавур шейэр гваз къвезвайбур гьеле гьалтнавач. Иштиракчияр Россияда ва дуьньяда машгьур "Адамас”, "Аквамарин”, "Август”, "Алмаз-Холдинг”, "Альфа”, "Жиразоль”, "Кристалл-н”, "Драгоценности Якутии”, "Кустов и Партнеры”, "Бриллианты Юга”, Москвадин ювелиррин "ЭЛЕКТРУМ” завод, "Эстет”, "Помельников”, Златоустдин яракьрин завод, "Росювелир”, "Даймондс”, Уралдин ювелиррин завод, Якутиядин алмазрин кархана ва масабур я. Абуру чпин тIварцIел шак гъидач ва Дагъустандин базарда чеб виляй вегьедач.
ЦIийи йисан вилик чи таватриз, кайванийриз савкьатар къачун патал агьалийриз выставкадиз атун теклифзава.
Дагъви Шериф
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
СтIал Сулейман чиле цIийи микрорайон эцигда
Ахцегь чилин Луткун хуьре манийрин фестивал кьиле фида
Россиядин чIехи гражданин кьена
Гьикьван гзаф чIалар чир хьайитIа, гьакьван чун Гафунин деринра гьахьзава...
Къейд эцигун