Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Дербент-2000: цивилизацийрин рекьерин хев


10-лагьай июндиз Москвадин «Президент-отелда» къвезвай Дербен шегьердин юбилейдиз талукь тир халкьарин арада авай илимдин конференция кьиле фена. Лезги миллетдинни медениятдин федерациядин дережадин автономияди (ФЛНКА), РАНдин востоковедениедин Институтди, Дагъустандин медениятдин министерстводи тухвай конференция ЮНЕСКОдин тIварцIихъ галаз фена.

Конференциядик федерациядин дережадин политикар, маса гьукуматрин векилар, джемятдин тешкилатрин векилар, алимар, академикар, маса тIвар-ван авай кархъанар уртах тир.

Мярекатдал кIватI хьайибуру вирида Дербендин надирвал тестикьарна, ам цивилизацийрин рекьерин хев тирди, чIехи динрин кьеб, садвилинни секинвилин макан тирди лагьана.

Алимри джемятдиз пара цIийивилер ахъайна археологиядинни документрин патай, цIуру шегьердин тарих мадни хъсандаказ къалурна. Гьадахъ галаз санал конференциядал кичIевал кваз лагьана хьи, Дербенда садбуру инсанрин арада чIуру ванер твазвайдакай, абур сад садал гьалдариз кIанзавайдакай, мадни адан тарих чпиз кIандай патахъ элкъюриз кIанзавайдакай.

Пакаман сятдин цIусадаз конференциядин уртах ксарни мугьманар, гьабурухъ галаз СМИйрин векилар «Библиотека» тIвар алай кIвале чпин чкайрал ацукьна, мярекат эгечIна.

ФЛНКАдин президент Ариф Керимова сад лагьай гаф лагьана, конференция ахъайна. Ада вири атайбуруз сагърай лагьана, мярекатди хкажзавай меселаяр пара мана авайбур, вафалубур тирди къейдна. Ахпа ада Федерациядин советдин председателдин заместител Ильяс Умахановаз гаф гана.

Сенаторди вичин патай сагърай лагьана икьван хъсан мярекат гьазурай ва кьилиз акъудай тешкилатриз, Дербен шегьер Урусатдин виридалайни цIуру шегьер тирди, адахъ зурба тарих авайди, медениятдин патахъай пара къимет авайди тестикьарна.

Гьадалай кьулухъ  сад садан гуьгъуьна аваз Урусатдин Президентдив галай Дагъустандин гьамишан векил Изумруд Мугутдинова, Урусатдин ЮНЕСКОдин кIвалахрин комиссиядин Председателдин заместител Александр Дзасохов, Урусатда Ирандин посольстводин  медениятдин патай атташе Сейид Хоссейн Табатабайи, Урусатда Туьркиядин Чрезвычайный ва полномочный посолдин советник-посланник Гекхан Туран, Урусатда Азербайжандин Чрезвычайный ва полномочный посолдин сад лагьай секретар Эльдар Байрамов, Госдумадин депутатМамед Абасов, Дагъустандин медениятдин министрдин заместител Мурад Гьаджиев, Дербен шегьердин кьилин заместител Сави Ханукаев рахана.

Абурулай кьулухъ академикри – РАНдин Востоковедениедин институтдин директор Виталий Наумкина, РАНдин Философиядин институтдин директор Абдусалам Гьуьсейнова чпин гаф лагьана.

Официал пай куьтягь хьайила, илимдин сессия эгечIна.

Гьадан къене тIвар-ван авай алимри чпин докладар кIелна, презентацияр къалурна. Чна абурун тIварар идан гуьгъуьнай гъизва.

1-лагьай кьатI – Дербендин дегь тарих:

ДНЦ РАНдин Тарихдин, археологиядин ва этнографиядин археологиядин хилин кьил, тарихдин илимрин доктор Муртазали Гьаджиев, РАНдин рагъэкъечIдай патан рукописрин Институдин виликан илимдин сотрудник Алий Колесников, Тегерандин университетдин профессор Мортеза Резванфар, Азербайжандин илимрин академиядин археологиядин ва этнологиядин хилин кьил, тарихдин илимрин доктор Гошгар Гошгарлы.

2-лагьай кьатI – Дербендин юкьван вишйисарин тарих:

РАНдин востоковедениедин Институтдин Юкьван Азиядин, Къавкъаздин ва Урал-Поволжьедин чирвилерин Центрдин кьил, тарихдин илимрин кандидат Аликбер Аликберов, Урусатда Ирандин посольстводин  медениятдин патай атташе Сейид Хоссейн Табатабайи, ДГОМдин илимрин секретарь, тарихдин илимрин кандидат Зураб Гьаджиев.

3-лагьай кьатI – Дербендин цIийи девирдин тарих:

ДНЦ РАНдин тарихдин, археологиядин ва этнографиядин Институтдин дегь ва юкьван вишйисарин тарихдин хилин кьил, тарихдин илимрин доктор Назим Магьамедов, Востоковедениедин институтдин илимдин чIехи сотрудник Евгений Гончаров, Украинадай тир тарихдин исследовател Константин Хромов, РАНдин археологиядин Институдин илимдин чIехи сотрудник, тарихдин илимрин кандидат Алексей Селезнев, РАНдин этнологиядин ва антропологиядин Институтдин илимдин сотрудник, тарихдин илимрин кандидат Сергей Фризен, РАНдин востоковедениедин Институтдин  Къавкъаздин сектордин чIехиди, тарихдин илимрин кандидат Владимир Бобровников.

4-лагьай кьатI – Дербен чи йикъара:

РАНдин востоковедениедин Институтдин илимдин чIехи сотрудник, политикадин илимрин кандидат Руслан Къурбанов, Япониядин Хоккайдо шегьердин университетдин славян ва евразиядин исследованийрин Центрдин кьил Мицуэ Оно.

Конференция лап кьакьан дережада кьиле фена, вири кIватI хьайибуру лагьайвал, ам гзаф мана авайди ва вафалуди хьана, атайбуру пара менфят къачуна, Дербендин шегьердин тарихдин деринвални иервал мад садра къалурна.

ЛММФДАдин корреспондентрин кIватIал

.

.

Мумкин я ваз килигиз кIан хьун:

Гьахъвили винел пад къачуна!

Дербендин гьалдрунар

Дагъустан цIийи хъувур кас

«Сулейманан вахт къвезва…»

Лезги мектеб Москвадин юкьва

Къейдер (0)