Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Амазма лезгияр Нева вацIал

ЛММФДАдин векилри Санкт-Петербургдин жегьил кьегьалрихъ галаз гьалтун тухвана

 

14-лагьай февралдиз ЛММФДАдин вице-президент Руслан Курбановани исполкомдин чIехиди Гьуьсен Шагьпазова Санкт-Петербургдин лезги джемятдин жегьилрихъ галаз санал алтIушун тухвана.

Къейдна кIан я хьи, Лезги автономиядин векилар Кефер патан меркездин жегьил кьегьалрин эверуналди атайди я.

Чаз кIелзавайбуруз хьайи гьалтуникай макъала къалуриз кIанзава. Ам кхьейди язва Санкт-Петербургда ЛММФДАдин жегьилрин хилин  уртах Ризван Раджабов.

*****
14-лагьай феврал Санкт-Петербургдин лезги джемятдиз  пара метлеб квай югъ хьана. Нева вацIал алай шегьердиз Лезги автономиядин кIеретI атана вице-президент Руслан Курбанов кьиле аваз.

Йикъан сад лагьай кьатI «Дагъустан» тIвар алай медениятдинни чирвилерин юкьва («культурно-просветительский центр») вири къавкъаздин джемятрихъ галаз гьалтуниз талукь тир.

Атайбурухъ сад лагьай гаф гваз «Дагъустан» КПЦдин кьил, Санкт-Петербургда Дагъустандин мусурманрин идарадин официал векил Исагьаджи Османов рахана, мугьманризни вири кIватI хьайибуруз сагърай лагьана.

АлтIушунин къене эхиримжи 30 йисан Дагъустандавай четинвилерикай: чуьнуьхунрикай, диндин суалрикайни миллетрин арада авай алакъайрикай, гьакIани маса месэлайрикай рахунар хьана. Ибурухъ галаз санал чи хайи вилаятдин джемятдин къене авай дуьз патахъ югъунрикайни рахайна.

Руслан Къурбанова кIватI хьайибуруз Урусатдин къавкъаздин миллетрин конгрессдикайни (РКНК) «Алтаир» фонддикай ахъайна, абуру гьихьтин мярекатар тухузватIа, вуч квалах ийизватIа къалурна.

Кьвед лагьай кьатI йикъан лезги джемятдин къене фена. Гьуьсен Шагьпазова кIватI хьайибуруз Лезги автономиядин кIвалахдикай, 1999-й йисалай эгючIна кьилиз акъудай кьван крарикай ахъайна. Ам кьилди Дагъустандинни Москвадин жегьилри тухузвай мярекатрал акъваз хьана, Урусатдин кефер патан меркездани лезгивал квай, къастунал кIеви жегьилар хьана кIанзавайди къейд авуна.
 

Вичин патай Руслан Къурбанова гафни лагьана, ахпа кIватI хьайи джемятдин пара джузунризни жаваб гана. Ада къейдна, исятда чи жегьилрин къене къуват авайди уьмуьр масакIа ийидайвал, хъсанардайвал, лезгийрин тIвар хкаждайвал. «Жегьилри къалурна кIанда виридаз, гьикI жуван халкь патал зегьмет къачуна кIандатIа, ахпа гьабуруз килигна, амайбурни кардик акатда», - лагьана Къурбанова.

Ахпа Санкт-Петербургда Лезги автономиядин жегьилрин хилин активист Ризван Раджабова, чпиз авай къастарикайни фикиррикай ахъайна, Питерда чкадин автономия, ахпа вилаятдин автономия ахъайиз кIанзавайди лагьана.

Уртах тирбурун гафарай алтIушун лап чимидаказ, виридаз хуш къайдада фена.

Ина гъизва чна мярекат гьазуруйбурукай сад тир студент Нариман Алискерован гафар, вичин  къуватдалди Санкт-Петербургда спортклуб ахъай авур:

«Чи теклифдиз жаваб гана Питердиз атунай чаз Руслан Къурбановазни Гьуьсен Шагьпазоваз сагърай лугьуз кIанзава. 

Кеферпатан «кьилин шегьердин» лезги джемятдиз ам фадлай вил алай гьалтун тир.

Лап хъсан гьиссерив ацIай тир мярекат хьана. Чаз ЛММФДА арадал атуникай, ада тухвай проектрикай, ийизвай кІалахрин дакъурунрикай ахъайна. 

Гьалтунин эхирдай Русланани Гьусена алтIушуна иштараквал авурбурун вири джузунриз ацIай жабар гана.

Сагърай Руслан стхани адан сакIвалахвияр!».

Мадни чаз лугьуз кIанзава Питердавай лезгийриз жуван Автономия ахъайиз кIанзавайди, джемятдин кIвалах вилик фидайвал. Чааз къастар ава лезги мектеб ахъайдай, тарихдикай гъвечIи филмаяр туькIуьрдай, жуван минифутболдин кIеретI туькIуьрунай, гьакIни масабур.
Чаз пара сагърай лугьуз кIанзава ЛММФДАдин векилриз, Санкт-Петербургдин джемятдин патав атана, икъван хъсан мярекат тухвай. Чак умуд ква, къвердавай мадни чи алакъаяр кIеви жедайди, къуватар сад авуна кIвалах вилик тухудайди.

Сагърай Лезгияр!

 

ЛММФДАдин жегьилрин хел

.

.

Мумкин я ваз килигиз кIан хьун:

Ярославлдин лезгийри къуват къачузва

Дагъустан цIийи хъувур кас

«Сулейманан вахт къвезва…»

Лезги мектеб Москвадин юкьва

Меркездай Кьибле Дагъустан аквазвач

Къейдер (1)

Комментарий #1 написал: Derbent

24.02.2015, 22:30   |   Зарегистрирован: --   |   ICQ:   |     |   Статус:


Группа: Гости
Публикаций: 0
Комментариев: 0

В статье есть такие слова-Халкь патал зегьмет къачуна к1андат1а....Слово"зегьмет" азербайджанское. Вместо него целесообразно написать "Халкь патал алахъна к1андат1а,....

 Слово алахъин-означает стараться.

 Мяракет гьазурйбурукай сад тир(гьазурин -азерб. слово)--целесообразно написать,Мяракет кьилиз акъудайбурукай сад тир.... 

 Еще есть такое предложение Къвердавай мадни чи алакъаяр к1еви жеда. Слово "алакъа" азербайджанское.По лезгински я тоже не нашел этому слову эквивалент.Но  данное предложение можно было бы сформировать таким образом.Къвердавай мадни чи финар-хтунар пара жедайди.....