СтIал Сулейман чиле цIийи микрорайон эцигда
Хел: 
Мукьвара Дагъустан Республикадин СтIал Сулейманан районда сад лагьай микрорайондин бине кутада. И цIийивал райондин векилрин мукьвал вахтара кьиле фейи мярекатдал чир хьана. «Три А» тIвар ганвай архитектурадин бюроди арадал гъанвай проектдин макет акур, адан пландихъ галаз мукьуфдивди таниш хьайи кьасумхуьруьнвияр гзаф шад хьана. Вучиз лагьайтIа Гьасан Газаев ва Ибрагьим Ибрагьимов кьиле аваз туькIуьрнавай проектда инсанрин регьятвал патал вири къулайвилер ава.
Эцигунрив эгечI тавунмаз халкьдин векилрин фикирар чирун, проектдин татугайвилер и кьиляй арадай акъудун патал кьиле фейи ижласдал кьетIен фикирар лагьай, хъсан меслятар гайи инсанри санлай ам вижевайди тирди къейд авуна.
Райондин куьгьне концервийрин заводдин 7,3 гектардин чилерал 2 агъзур кас патал 4 гьавадин кIвалер хкажда лагьана туькIуьрнавай проектда кьасумхуьруьнвияр патал са кьадар алава къулайвилерни фикирда кьунва. Ина са утагъдин 310, кьве утагъдин 122, пуд утагъдин 122 кIвал, 220 аялди кIелдай мектеб, 198 чкадин аялрин бахчаяр, мискIин, супермаркет, ял ягъидай чкаяр, гьакIни парк жеда.
Суьлейман ЖАФЕРОВ
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Ахцегь чилин Луткун хуьре манийрин фестивал кьиле фида
Россиядин чIехи гражданин кьена
Кьибле патан Дагъустанда “Виадук” тIвар ганвай терминал ачух хьана
Къейд эцигун