Federal lәzgi
milli-mәdәni muxtariyyәti

2014-cü ilin nəticələri

Ötən il beynəlxalq arenada FLMMM-in uğurları

2014-cü ildə ölkəmiz üçün əlamətdar hadisələr baş verdi: Krımın Rusiyaya daxili, cənub-şərq Ukraynada silahlı münaqişə, ölkəmizə qarşı qeyri-qanuni sanksiyalarının tətbiqi. Ötən il FLMMM üçün də çətin, lakin məhsuldar oldu. FLMMM rəhbəri Arif Kərimov verdiyi müsahibədə keçən il təşkilatın beynəlxalq istiqamətdə gördüyü işlər haqqında danışdı.

2014-cü il, əvvəlki il kimi, beynəlxalq istiqamətdə bizim təşkilatımız üçün uğurlu keçdi. Biz, əvvələr əldə etdiyimiz səviyyəmizi saxlayaraq və yüksəldərək, beynəlxalq arenada uğurlu təşviqi davam etdik.

Ötən il bizim təşkilatımız üçün çox əhəmiyyətli hadisələrindən biri Avropa Millətlər Federal İttifaqına üzvlüyünə daxil olmasıdır. Avropa Millətlər Federal İttifaqı Avropada yerli milli azlıqların konfederasiyasıdır. Bu təşkilata müxtəlif xalqların maraqlarını təmsil edən 90 təşkilat daxildir. Mayın 10 Flensburgda Avropa Millətlər Federal İttifaqının Konqres Forumunda, biz FLMMM-in təqdimatını keçirtdik. Təqdimat Konqresinin nümayəndələri tərəfindən böyük maraqla qarşılandı. Təqdimatdan sonra səsvermə keçirildi, və nəticədə FLMMM bu nüfuzlu beynəlxalq təşkilatın üzvlüyünə qəbul olundu. Bizim nümayəndə heyətinin masa ətrafında Avropanın müxtəlif ölkələrindən nümayəndələr toplanmışdılar. Onlar Rusiyada və Azərbaycanda yaşayan ləzgilərin üzləşdiyi problemlər ilə maraqlandılar.

Həmçinin, Nyu-York səfəri zamanı, biz BMT-nin məsləhətçi statusunu almaq üçün müraciət etdik. Birləşmiş Millətlər Təşkilatı yerli xalqların maraqlarının və hüquqlarının qorunmasına həsr olunmuş mühüm tədbirləri həyata keçirir. Həmin tədbirlərdə iştirak etmək üçün BMT-nin məsləhətçi status əldə edilməlidir. Bu status Birləşmiş Millətlər Təşkilatında nümayəndəliyin yaradılmasını, BMT-nin İqtisadi və Sosial Şurası ilə birbaşa qarşılıqlı əlaqənin yaradılmasını, BMT konfranslarında iştirakını, Birləşmiş Millətlər Təşkilatı tərəfindən təşkil edilən tədbirlərdə çıxışlarını imkan verir. Bizim müraciət barədə qərarın nəticəsi bu ilin fevral ayında açıqlanacaq.

 Beynəlxalq səviyyədə son böyük hadisə Təmsil Olunmayan Millətlər və Xalqlar Təşkilatının və Avropa Parlamentinin deputatalarının dəvəti ilə Avropaya növbəti səfərimiz oldu. Brüseldə olduğu müddətdə FLMMM-in nümayəndə heyəti milli azlıqların hüquqlarının qorunması mövzusu ilə əlaqədar Avropa Birliyi, Avropa Parlamenti və müxtəlif komitətlərinin millət vəkilləri və nümayəndələri ilə bir sıra görüşlər keçirib. FLMMM-in nümayəndə heyəti millət vəkillərə ləzgi xalqın vəziyyəti haqqında ətraflı məlumat verdi. Bütün görüş iştirakçıları FLMMM ilə əməkdaşlıqda maraqlı olduqlarını dilə gətirdilər və FLMMM-ın milli azlıqların problemlırin sülh yolu ilə həll olunmasına yönəlmiş fəaliyyətində dəstək olacaqlarını bildirdilər.

Daha bir önəmli hadisələrdən biri Abxaziyanın dəvəti ilə Raul Khajimba, Abxaziya Prezidentinin andiçmə mərasimində mənim iştirakım oldu.Bu mərasimdə Abxaziyanın yeni prezidenti və digər rəsmi şəxslərlə, o cümlədən Abxaziya  Parlamentinin sədri Valeri Bganba ilə söhbət eləmək imkanım oldu . Söhbət zamanı biz, Abxaziya və Lezgi icması arasında əməkdaşlığın yollarını müzakirə etdik.

FLMMM müxbir korpusu

.

.