Avropa Məhkəməsi: İlqar Məmmədov azad edilməlidir
Category: 
Avropa İnsan Hüquqları Məhkəməsinin REAL Hərəkatının həbsdəki sədri İlqar Məmmədovla bağlı qərarı qəti qüvvəyə minib. Bu haqda AİHM-nin səhifəsində məlumat yerləşdirilib. İlqar Məmmədovun vəkili Fuad Ağayev AzadlıqRadiosuna deyib ki, Avropa İnsan Haqları Məhkəməsi bu ilin mayında REAL sədrinin azadlıq hüququnun və təqsirsizlik prezumpsiyasının pozulmasını tanıyıb.
Məhkəmənin qərarına əsasən, İlqar Məmmədov azad olunmalı, Azərbaycan dövləti dəymiş mənəvi ziyana görə ona 22 min avro təzminat ödəməlidir.
Ancaq avqustun 8-də Azərbaycan hökuməti Avropa Məhkəməsinin qərarından Böyük Palataya müraciət edib. Bir gün öncə - oktyabrın 13-də kollegiya müraciətə baxıb və onu Böyük Palatanın baxışına verməkdən imtina edib. Bununla da Məhkəmənin mayda çıxardığı qərar qəti qüvvəyə minib. Vəkilin sözlərinə görə, İlqar Məmmədov 3 ay ərzində azadlığa buraxılmalıdır:
Yeri gəlmişkən, Avropa Şurasının baş katibi Torbyorn Yaqland da Avropa İnsan Haqları Məhkəməsinin qərarına istinadən Azərbaycan hakimiyyətini İlqar Məmmədovu azadlığa buraxmağa çağırıb.
İlqar Məmmədov 2013-cu ilin yanvarında İsmayıllı rayonundakı hadisələrə görə həbs olunub, 7 il müddətinə azadlıqdan mərhum edilib.
.
Maybe you are interested in:
Avropa Məhkəməsi Azərbaycanla bağlı iki qərarı elan edib