Avropa Məhkəməsi Natiq Əfəndiyevin xeyrinə qərar çıxarıb
Category: 
Avropa İnsan Hüquqları Məhkəməsi Gəncə şəhərinin keçmiş polis rəisi Natiq Əfəndiyevin xeyrinə qərar çıxarıb. Qurumun saytında yerləşdirilmiş məlumatda deyilir ki, məhkəmə Natiq Əfəndiyevin "ədalətli məhkəmə araşdırması” hüququnun pozulduğu qənaətinə gəlib.
Məhkəmənin qərarına görə, Azərbaycan hökuməti Natiq Əfəndiyevə 4,500 avro həcmində kompensasiya ödəməlidir.
* N.Əfəndiyev ilk dəfə 2000-ci ildə dövlət çevrilişinə cəhd (1994-cü il Gəncə hadisələri) ittihamı ilə həbs edilib və ömürlük cəza alıb.
Avropa Məhkəməsinin israrı ilə 2005-ci ildə o, əfv olunub. Lakin bir neçə ay sonra parlament seçkiləri ərəfəsində qanunsuz silah saxlamaq ittihamı ilə yenidən 5 il müddətinə həbs edilib.
Əfəndiyevin həbsinin əsl səbəbi onda idi ki, parlament seçkiləri ərəfəsində parlamentin keçmiş spikeri Rəsul Quliyevin Azərbaycana qayıtması gözlənilirdi. Həmin vaxt Əfəndiyev Rəsul Quliyevin namizədliyini dəstəkləyən Demokrat Partiyasının üzvü idi.
.
Maybe you are interested in:
Avropa Məhkəməsi: İlqar Məmmədov azad edilməlidir