Bir qrup hökumətyönlü gənc Landmark-ın qarşısında piket keçirib
Category: 
Hökumətyönlü gənclər təşkilatlarının onlarla üzvü saat 10:30-da Xaqani küçəsində Landmark ofis kompleksinin önündə pilket keçirib. Burada Avropa İttifaqı, ATƏT missiyaları, Böyük Britaniya səfirliyi və ABŞ səfirliyinin bir hissəsi yerləşir.
Aksiya iştirakçıları Qərbin ikili standartlarını pisləyən şüarlar səsləndiriblər, beynəlxalq forumlarda Azərbaycanın ünvanına "əsassız” tənqidlərə son qoyulmasını tələb ediblər.
Öz tələblərini səsləndirdikdən sonra fəallar "Sahil” bağına doğru irəliləyiblər və orada telekanalların müxbirlərinə öz aksiyaları barədə məlumat veriblər.
Təşkilatçılardan biri - Fuad Rəsul adlı şəxs "Azərbaycanın uğurlarnı həzm edə bilməyən xarici qüvvələri” ittiham edib.
"Bu dövlətlər və təşkilatlar bizim uğurlarımızı, Qarabağ problemini görmək istəmirlər. Odur ki, biz etiraz edirik”, - o vurğulayıb.
Polis aksiyanın gedişinə mane olmayıb, heç kimi saxlamayıb.
.
Maybe you are interested in:
Böyük Britaniya səfiri XİN-ə çağırılıb
Əliyev və Merkel görüşü zamanı etiraz aksiyası
Nardaranda Fransa, İsrail və ABŞ bayraqları yandırlıb