Яран сувар кефер патан меркезда
Хел: 
Кеферпатан меркез Санкт-Петербургда Яран сувар кьиле тухун ана яшамиш жезвай лезгияр патал адетдиз элкъвенва.
Вичик уьмуьрдин цIийи девир алукьунин, тIебиат жегьил хъхьунин, чIулав къуватрал экуь, михьи, къени къуватар гъалиб хьунин ниятар кутунвай и сувар чи инсанри вирибуру рикIин ашкъидалди вилив хуьзва. И сефердани Яран сувар Нева вацIал гурлудаказ ва хуш гьалара кьиле фена. Ана Кеферпатан меркезда яшамиш жезвай дагъустанвийрин саки вири векилри иштиракна.
Вичик уьмуьрдин цIийи девир алукьунин, тIебиат жегьил хъхьунин, чIулав къуватрал экуь, михьи, къени къуватар гъалиб хьунин ниятар кутунвай и сувар чи инсанри вирибуру рикIин ашкъидалди вилив хуьзва. И сефердани Яран сувар Нева вацIал гурлудаказ ва хуш гьалара кьиле фена. Ана Кеферпатан меркезда яшамиш жезвай дагъустанвийрин саки вири векилри иштиракна.
Мярекат "Атмосфера” тIвар алай культурадинни шадвилер тешкилдай чIехи центрадин залда кьиле фена. Ам гьар жуьре рангарин шараралди, гъаларалди, маса затIаралди безетмишнавай. "Салам” тIвар алай музыкадинни хореографиядин ансамблдин музыкадин сесерик кваз залда кIватI хьанвай мугьманри и мярекат тешкилнавай ксар къаршиламишна. Абур лагьайтIа, иниз дагъустанвийриз хас милли парталар алаз атанвай.
Мярекат кIватI хьанвайбуру, са декьикьада кIвачел акъвазна, 19-мартдиз Дондал алай Ростовда мусибатдин гьалара чилел аватай самолетда телеф хьайи ксар рикIел хкуналди башламишна. "Санкт-Петербургдин лезгияр” тIвар алай региональный общественный тешкилатдин председатель Зураб Шайдаева вичин рахунра а мусибатдик телеф хьайибурун мукьва-кьилийриз, хизанриз, ярар-дустариз башсагълугъдин гафар лагьана.
Идалай кьулухъ Яран цIай къурмишна. А кар кIватI хьанвайбуру Санкт-Петербургда Россиядин таможенный академиядин филиалдин директор, экономикадин илимрин доктор Сиражудин Гьамидулаеваз ихтибарна. Вичин тебрикдин рахунра Сиражудин Нагъметуллаевича, Санкт-Петербургда Дагъустандин патай векил Гьасан Гьасанова, Неведал алай шегьерда яшамиш жезвай дагъустанвийрин агъсакъалрин Советдин председатель ЦIахай Кубатаева, Санкт-Петербургдин экономикадин госуниверситетдин профессор Аллагьверди Мирзоева, эцигунрин компанийрин генеральный директорар тир Зураб Шайдаева, Мирзе Мирзоева ва маса ксари мярекатдиз атанвай вирибур Яран суварихъ галаз алакъалу яз рикIин сидкьидай тебрикна ва абурун кIвалера, крара хъсан сагъвал, шадвал, агалкьунар, дуьньяда ислягьвал, мублагьвал хьана кIанзавайди лагьана.
Мярекатдиз Дагъустандай атанвай Кьурагь райондин Моллакент хуьруьн администрациядин кьил Минетуллагь Алиева Дагъустан Республикадин Кьил Рамазан Абдулатипован тIварунихъай сувар тебрикзавай хуш келимаяр агакьарна. Генани къейдна хьи, и сувар гзаф миллетрикай ибарат Дагъустанда дегь-девиррилай къейдзава, гьар са халкьди вичиз хас тIвар эцигнава. И суварихъ галаз алакъалу яз тарихда гьар са халкьдихъ вичин кьетIен адетарни, крарни, жуьреба-жуьре маниярни, къугъунарни хьанвайди къейдна. Вири жуьреба-жуьре ятIани, суварин макьсад сад я — ада ракъинин календарда цIийи йис алукьнавайди къалурзава. Гьавиляй Яран сувар гзаф миллетрин интернациональный сувар я.
Мярекатдал гзаф ксар рахана. Абурун арада сувар тешкилиз куьмек гайи спонсорар — Мирзе Мирзоев, Зураб Шайдаев, Эдуард Загьрабегов, Эмир Балиханов, Расим Альдеров, Рамиз Элифханов, Шамил Сейидов, Ильгар Исламов, Араз Къадимов ва Сираж Гьайдаров авай. Яран сувар кьиле тухун патал материальный жигьетдай кьетIен куьмек "Дагвино” ЗАО ВКЗ-дин директоррин советдин председатель Сергей Сафаралиева ва карчи Мурад Мирзегьасанова гана. Сувар кьиле тухуник чпин пай Питерда яшамиш жезвай Мирземегьамед Мегьамедова, Левитан Алирзаева, Абдул Юсуфова, Магьамадали Вагьабова, Ильгар Исламова, и цIарарин автор Низамидин Къайинбеговани кутуна.
Мярекатдин сад лагьай пай куьтягь хьайидалай кьулухъ майдан "Дагъстандин гъетер” тIвар алай музыкадинни манийрин ансамблдин ихтиярда туна. Адан художественный руководитель Дагъустандин лайихлу артист Мадруд Къазибегов я. Ансамблдин артистри тамамарай вири кьуьлер суварин иштиракчийри гурлу капаралди, шад гьиссералди кьабулна. Идалай кьулухъ алатай йисуз спортдин ва кIелунрин рекьерай чпихъ виниз тир нетижаяр хьайи хейлин жегьилрив чеб лайихлу хьанвай пишкешар ва грамотаяр вахкана, абурун кьадар 15 касдилай виниз тир.
Ватандиз вафалувилелди къуллугъ авунай юстициядин майор Сослан Махсубовав, къенепатан къуллугъдин майор Гьажимирзе Гьажимирзоевав, капитан Мурад Алдерхановав ва полициядин старший лейтенант Марат Мирзабеговав чеб лайихлу хьайи савкьатар вахкана.
Наградаяр вахкудайла и карда чи ватанэгьлияр тир профессор Сиражудин Гьамидуллаева, азаддиз кьуршахар кьунай Санкт-Петербургдин Федерациядин виликан председатель Фирудин Агъарагьимова, Мирзе Мирзоева, Зураб Шайдаева ва масабуру иштиракна. Абуру лайихлу наградаяр ва пишкешар агакьай вирибур рикIин сидкьидй тебрикна ва абурухъ идалай кьулухъни мягькем сагъвал, хизанра къулайвал ва чпин крара цIийи агалкьунар хьана кIанзавайди лагьана. И агалкьунар Дагъустан ва вири Россия патал тирди къейдна.
Идалай кьулухъ майдан канцертрин программайрин сагьибрив вугана. Ана Санкт-Петербургдин ва Дагъустандин эстрададин гъетери иштиракна. Абурун жергеда РД-дин лайихул артистка Марина Алиева, манидарар — Самира Гьажиева, Мегьамед Алекперов, Руслан Ибрагьимов ва Афина Делиониди авай. Генани къейдна кIанда хьи, милли чIагъандал Дагъустандай атанвай Загьир Мегьамедова лап вижевай макьамар тамамарна.
Вичин гуьзел сесиналди ва Кавказдикайни Санкт-Петербургдикай лагьай гуьзел манийралди Санкт-Петербургда яшамиш жезвай чи ватанэгьлидин руш Ангелина Къазиевади вирибур гьейранарна. Адан агалкьунрин тариф Афинади авуна ва жегьил рушав грамота вахкана.
Суварин иштиракчияр, мукьвал-мукьвал вилик квай майдандал экъечIиз, кьуьлерик экечIзавай. И карди инсанрин дуствилин, садвилин, сад-садан гъавурда акьунин гьиссер генани артухарзавай. Им Яран суварин асас метлебни я. Ам Невадал алай шегьерда садрани рикIелай тефидайди хьана.
.
Сайтдин халисан уртах хьун патал регистрация авун кIан я.
Къейд эцигун