Cen Psaki: “Bakının insan hüquqları sahəsində öhdəliklərinə əməl etməməsi bizi çox narahat edir”
Dövlət Departamentinin mətbuat katibi Cen Psaki çərşənbə günü Vaşinqtonda brifinq zamanı həbs olunmuş jurnalist Xədicə İsmayılovanın taleyinə toxunub.
"Azərbaycanda vətəndaş cəmiyyəti fəallarına, jurnalistlərə qarşı məhdudiyyətlərin artması bizi dərindən narahat edir.
Biz Xədicə İsmayılovanın məhkəməyə qədərki həbsindən çox narahatıq. Hökumətin insan hüquqları sahəsində götürdüyü öhdəliklərə əməl etməməsi bizi çox narahat edir.
Biz Azərbaycan hakimiyyətini öz vətəndaşlarının hüquqlarına hörmətlə yanaşmağa və onların öz fikirlərini azad ifadə etməsinə şərait yaratmağa çağırırıq.
Azərbaycan daha azad cəmiyyət yaratmaqla öz stabilliyini daha da yaxşılaşdıra bilər.
Biz, əlbəttə, Azərbaycan hökuməti ilə ünsiyyət zamanı mətbuat azadlığı və vətəndaş cəmiyyətinin məhdudlaşdırılması ilə bağlı məsələləri qaldırırıq”, - Psaki vurğulayıb.
.
Maybe you are interested in:
RATİ Xədicə İsmayılovaya qarşı təzyiqi pisləyib