Azərbaycan və Türkiyə hərbi əməkdaşlığı inkişaf etdirəcəklər
Category: 
Yanvarın 15-də Ankarada Azərbaycan və Türkiyə prezidentləri - İlham Əliyev və Recep Tayyip Erdoğanın danışıqları zamanı hərbi əməkdaşlığın inkişafı məsələləri də müzakirə edilib.
Görüşdən sonra İlham Əliyev bildirib ki, tərəflər hərbi məhsulların birgə istehsalı haqqında fikir mübadiləsi aparıblar. "Müdafiə sahəsində əməkdaşlığın dərinləşdirilməsi üzrə böyük planlar var”, deyə Əliyev bildirib.
O xatırladıb ki, ötən il tərəflər birgə hərbi təlimlər keçiriblər, bu təlimlər müntəzəm olacaq.
Əliyevin sözlərinə görə, Azərbaycan artıq "güc mərkəzinə” çevrilmiş Türkiyənin uğurlarına sevinir.
"Türkiyə nə qədər güclüdürsə, Azərbaycan da o qədər güclənəcək”, deyə Əliyev bildirib.
.
Maybe you are interested in:
Xəzərdə İran-Rusiya təlimatları
Azərbaycan və Pakistan prezidentlərinin görüşü