Avropa Şurası jurnalistlərin müdafiəsi üzrə İnternet-platforma yaradır
Category: 
Avropa Şurası beş tərəfdaş təşkilatla jurnalistlərin müdafiəsi və təhlükəsizliyinin təmin edilməsi üzrə İnternet-platforma yaradılması haqqında Memorandum imzalayıb.
Bu platforma vasitəsilə Article 19, Avropa Jurnalistlər İttifaqı, Avropa Jurnalistlər Federasiyası, Beynəlxalq Jurnalistlər Federasiyası və "Sərhədsiz reportyorlar” Avropa Şurasını narahatlıqları və media azadlığı ilə bağlı təhlükələr barədə məlumatlandıracaq.
Platforma jurnalistlər barəsində məhkəmə prosesləri, onların ünvanına hədələr və onlara hücum faktları haqqında məlumatların yığılmasının və yayılmasının sadələşdirilməsini nəzərdə tutur.
Platforma Avropa Şurasına media və jurnalist azadlıqlarının pozulmasına səmərəli reaksiya verməyə, KİV-ə qarşı təzyiq olan üzv dövlətlərlə dialoq aparmağa imkan verəcək.
.
Maybe you are interested in:
Dunya Miyatoviç Nardaranda jurnalistlərə hücumu pisləyib
IGPA: Xədicə İsmayılovaya qarşı təqiblərə son qoyulsun