Дагъустандин ЦIаяра аялрин сувар
ЦIийи йисан вилик шегьерда аялриз шад мярекат тухвана
Хел: 
ЦIийи йис алукьдалди са тIимил кьван йикъар амаз Дагъустандин ЦIаяр лугьудай шегьерда аялриз куьмек гунин патал шадвилин мярекат тухвана. Ам 26-лагьай декабрдиз ЦIаяр шегьердин циркдин устадвилин мектебда кьиле фена.
ЦIийи йисаз талукь тир шадвилин няни гьазурайбуруз диде-буба авачир, бедендиз зиянар авай аялриз халисан сувар ийиз кIанзавай. Абурувай и кар ийиз хьана. Ругуд сятдин къене кьван аялри тIвар-ван авай лайзар («песни») ягъзавайбуруз яб гана, верцIияр («сладость») тIуьна.
Циркдин устадвилин мектебда лап рикIи чIугвадай сувар гьазурна. Акуна кIандай, гьикьван шад тиртIа аялар мярекатдиз килигиз.
ТIакь-бубадини («дед мороз») Живедруша («снегурочка») виридаз гецIияр гана, кьуьлер авуна, суварин лайзар ягъна. Абурулай гъейри алтIушунин кIвале гзаф чIехибурни авай. Амма абурун чIехи пай аялар тир. Иер лайзарин ванер, аялрин хъвер, кIани махарин гафар аялриз дарман тир.
Вири кIватIнавай арцI диде-буба авачир ва бедендиз зиянар авай аялриз тайин я.
Лап хъсан жедай, вири аялрин суварар ихьтин дережада тухванайтIа. ИкI хьанайтIа, абурун рикIера уяхвал, хъсанвал жедай, чеб инсанриз герек тирди чир жедай. ЧIехибурун килигун галачиз аялрикай халисан инсанар жедач. Гьакайла ихьтин мярекатар аялриз лап дарман хьиз я.
Мярекат тухун патал арцI ахъаяйбур я: Лезги миллетдинни медениятдин
федерациядин дережадин автономия, «Табаристан» фонддин кьил Айваз Рамазанов, Циркдин устадвилин мектебдин чIехиди Камил Курбанов, Табасаран театрдин чIехиди Алимурад Алимурадов.
Гьабурухъ галаз санал мярекатдик ЛММФДАдин Дагъустанда векил Магомед Алиевни уртах тир. Ада вири кIватI хьайибуруз сувар мубаракна, чIехибурузни аялриз сагъвал гун тIалабна.
Умганат Сулейманова
Табасаранни Хив чилера ЛММФДАдин векил
ФЛНКА
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
КьепIина авай аялриз лугьудай лайлаяр лезги чIалал
Дербент райондин Белижда Чlехи Гъалибвилин 70 йисаз талукьарнавай мярекатар кьиле фена
Къейд эцигун