Луткуна фестивал кьилиз акъатна
Хел: 
Ахцегьа «Самур» жегьилрин ял ягъунин комплексда кьиле фейи «Лезги сес» фестивалди уфтан хьайибур хкяна.
Дагъустандин лайихлу муаллим Магьмуд Абдулкеримован тIварунихъ галай «Просвещение» фондунин регьбервилик кваз ва гьадан пулунин такьатралди тухвай мярекатдин тешкилат комитетдин кьил вичихъ зурба алакьунар авай вокалист Селим Аллагьяров, жюридин кьил сейли композитор Мегьамед Гьуьсейнов тир. Жюридик гьакIни халкьдин артист Тарлан Мамедов, маничияр Алияни Руслан Пирвердиев квай.
Мярекатда Ахцегь, Мегьарамдхуьр, Докъузпара ройонрин регьберри иштиракнай. Жемиле Жакаевади ва Вадим Батманова тухвай мярекатдал уфтан хьайибурун тIварар ачухарна. Халкьдин манияр номинациядай сад лагьай чка Наира Рагьмановадиз ва ашукь Шемшираз, кьвед лагьай чка Тагьире Магьарамовадиз ва Назлу Шахбановадиз, пуд лагьай чка Ашукь Алиханаз гана. Эстрададин вокалдин номинациядай Камилла Мурсалова, Лилия Султанова, гьакIни Медина ва Наиля Шагьмурадоваяр тафаватлу хьана.
Айнур БАЙБУЛАТОВА
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Машгьур муаллимдихъ галаз акун
Къейд эцигун