Federal lәzgi
milli-mәdәni muxtariyyәti

Sumqayitda dəniz kənarinda biabirçi mənzərə

Bolgexeber.com-un əməkdaşları Sumqayıtda, 6-cı mikrorayonun altında, dəniz kənarında yerləşən ərazidə gördüyü mənzərə heç də ürəkaçan olmayıb. İnanmırıq ki, baxımsızlıqdan , daş-kəsəyin, zir-zibilin əilndən dəniz kənarında olan bu mənzərə bura təmiz hava almaq istəyənlərdə xoş və romantik təəsürat oyada . Ola bilsin ki,bu bu hal kimlərinsə zibilləri əraziyə maşınla gizlincə tökməsindən yaranıb. Amma bəlkə də bu heç də belə deyil.
Ancaq hər bir halda Sumqayıt icra hakimiyyəti dəniz kənarındakı bu xarabaxananın aradan qaldırılması,qarşısını almaq üçün bir tədbir görməlidir. Çünki bu işə ilk növbədə onlar məsuldurlar. Onu da qeyd edək ki, ümumiyyətlə Sumqayıtda Xəzər dənizinin sahil boyunca az qala bütün ərazi üfunət verən çirkab içindədir. Xatirladaq ki, Sumqayıtda məişət-çirkab sularının təmizlənməsini təmin etmək üçün neçə illərdir təmizləyici qurğular tikirlər,dağıdırlar, tökürlər, milyonlarla pul xərclənir, ancaq ortada deyəsən yenə də heç nə yoxdur və şəhərin çirkab suları bir çox yerlərdən böyük diametrli borularla birbaşa dənizə axmaqda davam edir . Səməd Vurğun kücəsi boyunca Sumqayıt sahilini əhatə edən bilvarın salınması haqda qərarın həyata keçirilməsi isə görünür hələ çox illər aparacaq.
Şəhərin mərkəzi yerlərdə müəyyən abdlıq işləri aparılsa da şəhərin sahilboyu hissəsi təmiz baxımsız vəziyyətdədir. Çox güman ki, icra başçısı Eldar Əzizov şəhərin bu hissəsini gözdən uzaq yer sayır və bura əl gəzdirməyə lüzum bilmir. Çünki əks halda necə olur ki,mer şəhərdəki bütün "qanunsuz” obyektləri çox yaxşı və tez "görür”, ancaq dəniz kənarındakı pis qoxu verən uzun çirkab əraziləri görmür ?! İnanmıram ki, romantik yerin –dənizin kənarındakı bu qeyri-romantik mənzərələr şəhərimizə çaşıb gələn turislərin də xoşuna gələ. Problemlə bağlı araşdırmamızı davam etdirəcəyik. 
Həmin xarabalıqdan çəkilən videomaterialı və fotoları təqdim edirik:

.

tia.az

.