Дербендикай цIийи ктаб акъатна
Хел: 
Алай йисан сентябрдиз къадим Дербентдин 2000 йисан юбилей кьиле тухун патал гьазурвилер давамарзава. И йикъара Магьачкъаладин «Лотос» чапханади «Дербен – девирриз муьтIуьгъ тушир шегьер» тIвар ганвай ктаб чапдай акъуднава. ЯцIу жилдина аваз, ранглу шикилралди туькIуьрнавай, 2000 тираждалди чапнавай ктабдин автор тIвар-ван авай лезги журналист Абдулафис Исмаилов я.
Ктабдин эвелда РФ-дин Президент В.Путинан Россиядикайни Дербентдикай лагьанвай гафар ганва. Ада къадим шегьердикай лагьанва: «Дербен инсаниятдин цивилизация паталди надир чка я».
Сифте чинра чи тIвар-ван авай камалэгьли Имам Яралиеван «Дербен пак ва эбеди шегьер я» макъала ганва. Ктабни гьадан куьмекдалди чапдай акъуднавайди я. Гуьгъуьнай ганвай «Къадим Дербен», «Эвел – 5000 йис инлай вилик» ва маса макъалайра шегьердин тарихдикай, дербентвийри ам скифрикай, римвийрикай, персерикай, хазаррикай, арабрикай ва маса чапхунчийрикай гьикI хвенатIа ихтилатзава.
«Дербендин гуьмбетар», «Алай девирдин Дербен», «Дербен цIийи кьилелай кIвачел ахкьалтзава» кьилер ганвай макъалайрани къадим шегьердикай гзаф марагълу малуматар ганва.
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
2015-лагьай йисуз пара важиблу лезги ктабар акъатна
Болгарияда лезгидин ктаб акъатна
Къейд эцигун