Моллакентдин рухвади хайи хуьруьз куьмек гана
Хел: 
Шикилдал - Моллакент хуьруьн мектеб
Нева вацIал алай шегьерда дагъвийрихъ фад вахтарилай хъсан адет ава - Дагъустандай атана ина кIелна, са пешедин иеси хьана, вилик фена, хайи хуьруьз, хуьруьнэгьлийриз чпелай алакьдай куьмекар гун. Кризисди, гьелбетда, Санкт-Петербургда авай карчийрин кIвалахдизни пис таъсирзава. Амма чпин къуватар къенепатан базардиз серфзавай, Россиядин экономикадин хийирдиз кIвалахзавай карчийриз кризисди са акьван таъсирнач.
Санкт-Петербургда Дагъустан Республикадин векил Гьасан Гьасанова къейдайвал, мергьяматлувилин серенжемар кьабулзавай ахьтин карчийрикай сад эцигунрин тешкилатдин директор Мирзе Мирзоев я.
И сеферда Мирзе Мирзехановича вичин харжийрихъ Кьурагь райондин Моллакент хуьруьн са куьче къайдадиз гъана ва ана къир цаз туна. Кеферпатан меркезда машгьур ватанэгьлиди хуьруьн кимни къайдадиз хкиз куьмекна, гьар жуьре мярекатар тухун патал клуб эцигзава.
Гьам Санкт-Петербургда, гьам хайи хуьре ватанэгьлийри Мирзе Мирзоевал дамахзава.
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Яран сувар кефер патан меркезда
"Лезги Газетдин" векилар Лацар хуьре
Къейд эцигун