Туьркиядин лезгийри бубайрин адетар хуьзва
Хел: 
Туьркиядин Балыкесир шегьерда, Имам Шамилан девирда Дагъустандай куьч хьайи мусурманрин, чи ватанэгьлийрин, невеяр яшамиш жезвайдакай "Лезги газетда” макъалаяр ганай. Абур Туьркиядин жуьреба-жуьре пипIера дуланмиш жезва: Ортажа, Яйлакёй (Балыкёсир вилаят), Дагъустан (Бергамадин патав), Гуьнейкин (Яловадин патав), Финдижак (Измирдин патав), Каялипинар, Эмирлер, Селимие, Османие, Султание (Сивас вилаят), гьакIни са кьадар чIехи шегьеррани ава. Санлай къачурла лезги мугьажиррин невейрин кьадар алай вахтунда кьуд агъзурдалай артух я.
Амма Балыкёсир шегьерда лезгийрин кIватIал, адаз "Дагъустаныдин медениятдин маканни” лугьузва, кардик ква. Адан кьиле - Жевдет ЙЫЛДЫЗ акъвазнава. Жевдет муаллимдин кIвалахдикай, ада лезгийрин невейрин милливал квадар тавун патал чIугвазвай зегьметдикай пара кхьиз жеда. Вичин лезги Ватандихъ, адан накьварихъ кьару Жевдет муаллимдивай гьелелиг бубайрин ватандал кьил чIугваз хьанвачтIани, лезги мугьажиррин жегьил несилрин арада, бубайрин адетар, меденият хуьн патал ада еке кIвалах тухузва.
ИкI, и мукьвара Балыкёсирда, Жевдет муаллимдини ихьтин мярекатра адан куьмекчи, Туьркиядин армиядин офицер Осман ГОЧМЕЗА "Дагъустандин медениятдин маканда” имам Шамилаз ва адан девирдин тарихдиз бахшна тешкилай мярекат кьиле фена. Анал жегьил несилдиз неинки имам Шамилан девирдикай, адан гъазаватдикай суьгьбетна, гьакIни лезгияр чпин ислам диндиз, мусурманвилиз вафалу тирди мад сеферда тестикьарун патал, Кьуръан кIелна, Ислам диндихъ галаз алакъалу терефни фикирдиз къачуна.
ИкI, и мукьвара Балыкёсирда, Жевдет муаллимдини ихьтин мярекатра адан куьмекчи, Туьркиядин армиядин офицер Осман ГОЧМЕЗА "Дагъустандин медениятдин маканда” имам Шамилаз ва адан девирдин тарихдиз бахшна тешкилай мярекат кьиле фена. Анал жегьил несилдиз неинки имам Шамилан девирдикай, адан гъазаватдикай суьгьбетна, гьакIни лезгияр чпин ислам диндиз, мусурманвилиз вафалу тирди мад сеферда тестикьарун патал, Кьуръан кIелна, Ислам диндихъ галаз алакъалу терефни фикирдиз къачуна.
Имам Шамилан девирдикай гьазурнавай докладда, лезги мугьажиррикай итижлу делилар ганвай. Лезги мугьажирри Османрин Империяди тухвай женгерани иштиракна ва абурун арадай са кьадарбур шагьидар яз телеф хьана.
Идалай башкъа, мярекатдал лезгийрин милли адетрин пай тир "Лезгинкадал” кьуьл авунайни алакьунар къалурна, милли лезги хуьрекарни тешкилна.
Чна умуд кутазва, Жевдет муаллимди, акьалтзавай несилдин арада милли лезги чIал квадар тавун патални алахъунар ийида. "Дагъустандин медениятдин макан” хайи чIалан макандизни элкъведайдахъ чун умудлу я.
Жамиля Гьасанова
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
СтIал Сулейманаз гуьмбет хкажна
“Лезги газетдин” ФЛНКА-дин векилрихъ галаз алакъаяр пара хьурай
Къейд эцигун