Машгьур композиторрин гьуьрметдай
Хел: 
Къадим Куьредин чили дуьньядиз чпихъ кьет1ен бажарагъ авай шаирар, писателар, композиторар, манидарар, ашукьар…гзаф гана.
Тек са композиторрикай рахайт1а, абурун кьадарни т1имил туш: РСФСР-дин ва ДАССР-дин искусствойрин лайихлу деятелар, Государственный премийрин лауреатар- Готфрид Гьасанов, Сейфуллагь Керимов, вичин гъиликай лезги шаиррин ч1алариз теснифнавай музыкадин 60-далай виниз эсерар хкатнавай Майина Абдулмуталибова ва масабур. Лезги музыкадин алемда и т1варар чин тийидай, абурун музыкадикай лезет хкуд тийизвай касс авач.
Тек са композиторрикай рахайт1а, абурун кьадарни т1имил туш: РСФСР-дин ва ДАССР-дин искусствойрин лайихлу деятелар, Государственный премийрин лауреатар- Готфрид Гьасанов, Сейфуллагь Керимов, вичин гъиликай лезги шаиррин ч1алариз теснифнавай музыкадин 60-далай виниз эсерар хкатнавай Майина Абдулмуталибова ва масабур. Лезги музыкадин алемда и т1варар чин тийидай, абурун музыкадикай лезет хкуд тийизвай касс авач.
Мукьвара Кьасумхуьруьн музыкальный школада (директор Дагъустан Республикадин культурадин лайихлу работник Къазибег Къурбанов) райондин 85 йисан серенжемрин сергьятра аваз композиторар тир Готфрид Гьасанован, Сейфуллагь Керимован ва Майина Абдулмуталибовадин яратмишунриз талукьарнавай шадвилин мярекат кьиле тухвана.
Сифтедай музыкальный школадин директор Къазибег Къурбанова, адан заместитель Гьажимет Тагьирбегова, райондин культурадин ва информациядин управленидин начальникдин заместитель Жабир Султанова композиторар тир Готфрид Гьасанован, Сейфуллагь Керимован ва Майина Абдулмуталибовадин уьмуьрдин ва яратмишунрин рекьерикай, абуруз ганвай т1ебии бажарагъдикай гегьеншдиз суьгьбетна.
-Готфрид Гьасановаз гьахълудаказ Дагъустандин музыкальный культурадин ва пешекар музыкадин буба лугьузва, ада Сергей Агабов, Мурад Кажлаев, Ширвани Чалаев хьтин зурба композиторар майдандиз акъатуник еке пай кутуна, Дагъустандин композиторрин союз арадал гъана,-къейдна Къ.Къурбанова.- Сейфуллагь Керимова Дагъустандин халкьарин шаиррин ч1алариз ва кьуьлерин «Лезгинка» ансамбль патал 200-далай виниз музыкадин эсерар теснифна. Магьир устадрин кар Майина Абдулмуталибовади уьзуьагъдиз давамзава. Махсус чирвилер авачиз пешекарвилин ч1ехи дережадиз акъатнавай ада лезги музыкадин искусство вилик тухуник, ам машгьур авуник кьет1ен пай кутазва.
Таъсирлу рахунрилай гуьгъуьниз музыкальный школада кардик квай халкьдин алатрин, далдамчийрин, ч1агъанчийрин, тар ядайбурун ва аялрин хордин коллективри Готфрид Гьасанован, Сейфуллагь Кериммован ва Майина Абдулмуталибовадин музыкадин эсеррин бинедаллаз гьазурнавай концертдин ч1ехи программа къалурна. Музыкальный школадин муаллимрилай ва тербиячийрилай гъейри, тамашачийрин арада аялрин диде-бубаяр, мугьманарни авай.
Райондин 85 йисан юбилейдин сергьятда аваз тухвай мярекатдилай гуьгъуьниз вичихъ галаз авур суьгьбетда Къазибег Къурбанова чаз лагьайвал, школада 32 муаллимди к1валахзава, 256 аялди музыкадин алатар ягъунай чирвилер къачузва ва чпин устадвал хкажзава. Музыкальный школадихъ Курхуьрел, Вини Ст1алдал, Герейханован хуьре, Агъа Ст1алдал, Дарк1ушкъазмайрал ва Ц1ийи Макьарал вичин филиалар ава.
Инна жуьреба-жуьре 6 отделение кардик ква. Школадин муаллимри ва аялри районда ва адалай къеце тухузвай конкурсра, килигунра, масса мярекатра активвилелди иштиракзава, к1венк1вечи чкаяр кьазва.
-Алай вахтунда школадин аялри гьар йисуз Махачкъалада тухузвай Готфрид Гьасанован т1варунихъ галай республиканский конкурсда иштиракун патал гьазурвилер аквазва,- лугьузва Къ.Къурбанова.- Чи къаст, виликан йисара хьиз, ана гилани 1-чка кьун я.
Хазран Кьасумов
«Куьредин хабарар» газетдин экономикадин отделдин зеведиш
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Лезги автономиядини Билбилхуьруьн мектебди “Самурдин авазар” тIвар алай акъажунар тухвана
“Алам” журналдин “Марвар” кIватIалдин мярекат Махачкъалада кьиле фена
Къейд эцигун