Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Ялама, 2015 йис

Чи сайтдин кIелхъандиз Хачмаз чилиз фейила кьулухъ амукьай фикиррикай ахъаюн


ЛММФДАдин сайтди кьиблепатан Лезгистанда (кеферпатан Азербайжанда) авай хуьрериз фейибуруз акур затIариз талукь тир макъалайрин жерге эгечIзава. Къе чна Ялама хуьрни вири Хачмаз чил акур чи сайтдин кIелхъандин фикирар къалурда.

Рекьерин гьал

Чиле рекьер михьизвач, винел пад сад хьиз туш, эквер кIанзавай кьадар кьван авач. Рекьер хуьн патал са къайдаярни, са ГОСТарни кьиле тухузач, хуьрерин къене авай, маса гъвечIи рекьер стIун эхциг хъийизмач совет вахтарилай, абур лап пис гьалда ава. Авур цIийивилерни вини дережа са йисуз кьван бес жезва.

Алатай йисариз хьайи са агалкьун язва Яламадилай гьукуматдин сергьятдал кьван эцигнавай асфалтдин рехъ.
 

Лагьана кIанда хьи, кIвалахар ийиз эгечIзавайди я республикадин куллугъдал алай касс къвез хьайитIа, тахьайтIа йисаралди вири акъваззава.

Хуьрерин гьал

Вири санал къачуна лагьайтIа, хуьрерин гьал акьван писзавач. Амма лагьана кIанда, хуьрерин кьилери стIун кIвалах тухузвач, чарар гьазурунни инсанрилай манатар кIватIун квачиз.

Авуна кIанзавай кIвалахрикай хкягъна лугьуз кIанзава заз зирзибил кIватI жезвайди хуьрерин къерехрал, ам садани кIватI тийизвайди, гьакI чкIана физвайди, мукьарин акунар чIуриз.

Лап герен-герен ван къвезва инсанривай, Бакудай ракъурзавай манатар агакь тийизвайди инсанрив, куллугърал алайбурун жибинра амукьзавайди.

Яламада мектеб, аялрин урук, туьквенар, кьамар кьадай мукьар, кIвачеллайбурни парталар туькIуьр хъийидай устIардкIвалер, интернетдкIвалер, музеяр, паркар ава.

Гьукуматдин гъвечIи тIалдкIвале аялар хадайла кьабулиз жедайвал, начагъ ксар сагъар хъийидарвал шартIар авач.


Мектебни пис гьалда ава, цIийи хъийизвач, кIвалер чими ийизвач (кIелзавай аялрин диде-бубайри чпи къачузва кIарасар пичера кудай). Ктабар мектебда авазва.
 
1-лагьай классдин лезги чIал чирун патал ктаб. Баку, 1996 йис

Телевизурдин къалунар къачуртIа, абурун гзаф кьатI азербайжан чIалал я. Урус чIалал лап тIимил ава къалурунар, лезги чIалал гьич авач.

Виридалайни пис кIвалах заз акур язва Хачмаз районда электричкайрин финар акъвазарун. И кIвалах Бакуда Европадин къугъунар тухуниз талукь тир. Гила жуван машин авачир хуьруьнвийри такси къачуна кIанзава маса хуьрериз фидайвал.

Вири санал къачуртIа, чавай лугьуз жеда, Хачмаз район хъсан гьалара авачирди, гьавиляй жезмай кьван гзаф джемятдин фикирар ина авай четинвилерихъ элкъуьрна кIанзава.  

.

ФЛНКА

Мумкин я ваз килигиз кIан хьун:

Кьурагьиз шегьре рехъ ачухна

Сараг хуьр квахьна

Вини Филер

Руслан Къурбанов: Меликовавай халкьдин рикIе амукьиз жеда

Дербендин гьалдрунар

Къейдер (0)