Ахцегьжуври яд хуьн патал рейд тухвана
Хел: 
И мукьвара «Ахцегь район» МР-дин администрациядив гвай комиссияди райцентрдин агьалийрив булахдин ва гьакI «Ахты Какинский» къаналдин яд бес кьадарда
агакь тавунин себебар чирун ва и рекьяй авай кимивилер арадай ахкъудунихъ ракъурнавай серенжемар кьабулун патал рейд кьиле
тух вана.
Адан иштиракчияр чпин территорийрилай цин провод ва къаналдин яд фенвай кьилдин хуьрериз фена. И вахтун да цикай чIурукIа менфят къачузвай са жерге дуьшуьшар винел акьалтна. Малум тирвал, исятда райцентрдин кьилдин мягьлеяр хъвадай целди хъсандиз таъ мин туш, бязи мягьлейрив яд эсиллагь агакьзавач.
Мисал яз, райцентрдин Гуьней патан Мукьтадиран тIварунихъ галай клубдилай винелди, гьакI Байрамован тIварунихъ галай куь чедиз яд акъатзавач. Инриз яд кьилдин дуьшуьшра са тIимил атайтIани, са герендилай ам амукьзавач. Ихьтин татугай гьал йисаралди давам жезва. Гьа идаз ухшамиш гьалар райцентрдин Герейханован тIварунихъ галай куьчеда ва маса чкайрани ава. Идан кьилин себебни райцентрдин са бязи агьалийри булахдин яд кьенятлудаказ кардик кутун, кранар ахъайна яд куьчейра тун, цин магистралдик еке турбаяр кутуналди, чпин кIвалин вилик квай чилин участокар ва багълар дугун я.
«Ахты-Какинский» къаналдин яд Гуьней пата авай «Гуьней» тIвар алай участокдиз агакь тийиз гзаф йисар я. Нетижада инсанар инра авай чилер менфятсуздаказ гадаруниз мажбур хьанва. Гьелбетда, гьайиф чIугвадай делил я. Райцентрдин агьалийрив хъвадай яд агакьарунал гуьз чивал тухун УЖКХ-дин везифа я.
И идарадин къуллугъчийри са шумуд йис идалай вилик райцентрдин агьалийрив яд ага кьарунин кIвалах хъсанарун патал кьилдин мягьлейрин бу лахрал махсус задвижкаяр эцигна ва гьар мягьледиз яд ракъурунин график туькIуьрна. Амма Ахцегьрин бязи мягьлейрин жавабдарсуз кьилдин агьалийри йифиз чинеба задвижкаяр чеб галай патахъ ачухзавай ва абур чIурзавай вахтарни кими туш.
Мад са татугай гьал къейд тавуна жедач. Гзаф вахтара райцентрдин бязи мягьлейриз фенвай трубаяр пад хьана яд гьакI авахьиз гьафтейралди куьчейра гьатзава. Мисал яз, Гуьней патан Ядрарин мягьледиз къвезвай куьчедиз тухванвай трубадай яд авахьиз са варз я. И куьчедай гьар юкъуз УЖКХ-дин къуллугъ чини физ хквезва. ЯтIани а чка ремонт хъувун патал са жуьрединни серенжемар кьабулзавач.
Тажуб жедай кар я. Ихьтин чкаяр райцентрда мадни ава…
Райцентрдин
агьалийри хьиз, чи хуьрерин бязи агьалийрини
булахдин цин магистралдик ихтиярсуздаказ
еке диаметрдин трубаяр кутуна чпин салар
ва багълар дугузва. Гзафбуру цин магистралдик кутунвай трубайрал кранар
алачирвили яд менфятсуздаказ кIамариз, вацIуз
авахь хъийизва. Бязибуру трубадал кран алазни, ам ачухдиз туна яд авадарзава…
Яраб и кардин сир вуч ятIа? «Ахты-Какинский» къаналдай чпин багълар, никIер дигайдалай гуьгъуь низ яд ахтIун тахвуна гьакI куь чейра твазвайбурни авачиз туш. Еке и къаналдай яд Ахцегьрин Гуьней участокдив агакь тавунин себеб гьа им я. Идахъ галаз алакъалу яз УЖКХ-дин къуллугъ чийри вичикай инал суьгьбет физвай рейдинилай виликни и месэладиз талукь яз са шумудра актар туькIуьрна ва цикай чIурукIа менфят къачузвай ксариз туьмбуьгьарни авуна, амма…
Рейддин вахтунда малум хьайивал, Цуругърин, Смугъулрин хуьрера инсанри яд кардик кутунин къайдаяр векъидаказ чIурзава. Ихьтин гьалар арадай ахкъудун патал и хуьрерин администрацийрин кьилери бес кьадар серенжемар кьабулзавач. Гзаф вахтара рейдер кьиле тухузвайла абур гьатта чкадилай жагъурунни четин жезва. Къейд авун лазим я хьи, гьар са хуьруьн администрациядихъ чпин депутатвилин корпус, административный комиссияр аватIани, абуру са жуьрединни кIвалах кьиле тухузвач.
Сир туш хьи, гьар са хуьруьн кьили вичин чилел вири месэлайрин патахъай хсуси жавабдарвал тухузва. И кар абуру дериндай аннамишун чарасуз я. Рейд тухузвай вахтунда адан иштиракчийриз Цуругърин хуьре яшамиш жезвай В.Алиева вичин кIвалин вилик квай чил булахдин целди дугузвайди акуна. И хуьруьн агьалияр тир Н.Нурагьмедовани, А.Мегьамедовани, Р.Фейзуллаевани, Н.Мирзехановани, И.Гьуьсейновани, Х.Рустамовани ва гзаф масабуру дугунар булахдин целди ийизвай. Тажуб жедай кар ам я хьи, бязибуру чпин участокар къаналдин целди дугузвайтIани, булахдин кранни ачухна яд гьакI авадарзавай.
Винидихъ къейднавай вири агьалийриз жермеяр авун патал протоколар кхьена. Лугьун
лазим я хьи, и хуьруьн куьчейрал
эцигнавай 26 булахдикай гьич садални кран алачиз абурай яд авахьиз физва. И хуьре «Ахты Какинский»
къаналдин кIаник квай са чкадилай
булахдин цин магистральный трубадик багълар
ва никIер дугун патал 15 миллиметрдин
диаметрдин цин 8 кран кутунвай.
Абурун куьмекдалди кьилдин инсанри чпин участокар шлангралди дугузвай. Ибур вири чаз са куьруь вахтунда акур татугайвилер я. Гьелбетда, яд бес тежезвай агьалийрикай фикир тавун акьалтIай инсансузвал ва инсафсузвал я. «Ахты-Какинский» къаналда авай яд кардик кутазвай тегьер ахтармишай вахтунда рейддин бригададиз амни хейлин чкайрал алай къажарай (ремонт тавунвайвиляй) гзаф кьадарра кIамариз авахьзавайди акуна. «Ахты-Какинский» къаналдик квай гьар са хуьруьхъ къаналдин ва булахдин яд кардик кутазвай йикъарин графикар аватIани, абур садани кваз кьазвач.
Гьам булахдин, гьамни къаналдин
ятар кьенятлудаказ кардик кутазвач. Чун Хуьруьгрин хуьруьз фейила чир хьайивал,
инин са кIвалерин гьаятра цин яргъи
шлангар авайтIани, абурун кранар кIеви тир. И хуьруьн кьилихъай къвезвай
«Ахты-Какинский» къаналдин кьве участокдай яд кIамуз авахьзавай. Кьиле тухвай
рейдинилай виликан йикъара адан
иштиракчияр Смугъулрин хуьруьзни фена.
И хуьре яшамиш жезвай агьалийри Мацарин
дередай къвезвай булахдин цин проводдик
лап еке диаметрдин трубаяр кутуна чпин хсуси багълар дугузвай. Ахьтинбурулай райондин административный комиссияди
13 протокол кхьена.
Алай вахтунда чина инсанриз яд бес жезвач. Жемятдив дугунардай яд агакьзавай къаналрин кьилерал электронасосар эцигнайтIа хъсан жедай. И карди инсанар датIана дугунардай целди таъминардай мумкинвал гудай. Агьалийрив яд агакьарунин важиблу месэла гатун девирда дикъетдикай хкуд тавуна ихьтин рейдер мукьвал-мукьвал кьиле тухун йикъан истемишун я. Хуьрерин администрацийрин кьилерини анра авай административный комиссийри чпин территорийрал алай яд иесисузвилелди кардик кутазвай кьилдин агьалийрин винел мягькем гуьзчивал тухун чарасуз я.
И карди чи вири хуьрер ва гьакI райцентр ара атIунар авачиз гьам хъвадай, гьамни дугунардай цивай ацIурдай.
РЕЙДДИН БРИГАДА:
АГЪАМ УГЪЛАНОВ, «Ахцегь район» МР-дин администрациядив гвай административный комиссиядин жавабдар секретарь.
Р.ГЬАМЗАЕВ, «сельсовет Ахтынский» СП-дин кьил.
Д.МУРАДОВ, УЖКХ-дин начальник.
Б.ГЬАМЗАЕВ, Ахцегьрин хуьруьн Собраниедин депутат.
М.КЪАЗИЕВ, УЖКХ-дин пешекар.
Р.ГЪАНИЕВ, Цуругърин хуьруьн администрациядин векил.
Р.ЭМИНОВ, «ЦIийи дуьнья» газетдин махсус корреспондент.
"ЦIийи дуьнья" газетдай
№30 (8487), хемис, 9-июль, 2015-йис
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Лезги чIал гьикI хуьн? - “Самур” газетдин элкъвей стол
Вирироссиядин гражданар кьабулдай югъ кьиле фена Дагъустанвийрин къайгъуда
Къейд эцигун