Rus Eng Az Lz

ЛЕЗГИ МИЛЛЕТДИННИ МЕДЕНИЯТДИН
ФЕДЕРАЦИЯДИН ДЕРЕЖАДИН АВТОНОМИЯ

Вирироссиядин гражданар кьабулдай югъ кьиле фена Дагъустанвийрин къайгъуда

 

12-декабрдиз, Россиядин Федерациядин Конституциядин юкъуз, Вирироссиядин гражданар кьабулдай юкъуз, Дагъустандин премьер-министр Абдусамад Гьамидов гражданрихъ галаз гуьруьшмиш хьана, ада агьалийрик секинсузвал кутазвай суалриз жавабар гана, гайи теклифрихъ яб акална ва са жерге тIалабунар кьилиз акъудна.

РД-дин Кьилин ва Гьукуматдин Администрациядин пресс-къуллугъдин ва информациядин управлениди хабар гузвайвал, РСФСР-дин ва ДАССР-дин халкьдин артистка Бурлият Ибрагьимовади гуьруьш кьиле физвай чIавуз Гьукуматдин кьиливай вичин яратмишунриз талукьарнавай телевиденидин документальный фильм гьазурунин карда куьмек гун тIалабна.

РикIел хкин, Бурлият Ибрагьимовадин яратмишунар республикадин телевиденидинни радиодин къизилдин фондуна гьатнавайди я. Дагъустан АССР-дин Гостелерадиодин солистка яз кIвалахзавай девирда (1950-1997-йисар) ада жуьреба-жуьре манияр тамамарна ва абур Россиядин ва Дагъустандин телерадиофондуна гьатна. Абурун арада къумукь халкьдин манияр, Дагъустандин пешекар ва гьевескар композиторрин вокальный эсерар ава. Хъуьтуьл, гуьзел сес авай Бурлият Ибрагьимова Дагъустандин вири халкьарин арада гегьеншдаказ машгьур артистка я.

Гележег патал вичин планар гьихьтинбур ятIа ачухардай чIавуз Б.Ибрагьимовади лагьайвал, ада мергьяматлувилин фонд тешкилнава ва адаз бажарагълу жегьилар жагъурун патал республикадин районрани шегьерра къекъведай ниятар ава. Амма и кар патал адаз транспорт ва кIвалахдин кабинет герек я. Дагъустандин машгьур манидардин яратмишунрин, адан общественный кIвалахдин важиблувал фикирда кьуналди, А.Гьамидова РД-дин культурадин, печатдин ва информациядин министерствойриз Бурлият Ибрагьимовадин яратмишунриз талукьарнавай документальный фильм гьазурунин ва ам Дагъустандин телевиденидай къалурунин кIвалах тешкилун тапшурмишнава.

Автотранспортдихъ ва кабинетдихъ галаз алакъалу месэла Гьукуматдин кьили вичи гьялун хиве кьуна.

Ярагъ Мегьамедан тIварунихъ галай мергьяматлувилин общественный фондунин председатель Гьажибуба Рустамова алай вахтунда гзаф хцидаказ вилик акъвазнавай месэла - Мегьарамдхуьруьн райондин Ярагъ-Къазмайрал цIийи школа эцигунин месэла къарагъарна. Малум хьайивал, 1966-йисуз залзаладин нетижада школадин дарамат тамамвилелди чкIана. Аялриз тарсар гилани къулайвилер авачир дараматда гуниз мажбур хьанва.

1989-йисуз туькIуьрай проектдинни сметадин документациядиз, цIийи къиметар фикирда кьуналди, килиг хъувунин чарасузвал ава.

А.Гьамидова РД-дин экономикадин ва территорияр вилик тухунин министр Р.Юсуфоваз телефондай зенг авуна ва адал проектдинни сметадин документациядиз дуьзгуьндаказ килиг хъувун, ери-бине Мегьарамдхуьруьн райондай тир кьилдин инвесторрихъ галаз санал школа эцигун фикирдиз къачун тапшурмишна.

"Сулевкентдин хъенчIин къапар” МУП-дин директор Рустам Шагьбанова гуьруьш кьиле фидай чIавуз суьгьбет авурвал, 2012-йисуз ада ихьтин тIвар ганвай кархана ачухна, ана 22 кас кIвалахдик кутуна. Идалай гъейри, райондин аялрин художественный школа тешкилнава. Инани саки 50 аялди чирвилер къачузва.

Р.Шагьбанован гафаралди, кархана тешкилунин мурад чи халкьдин сеняткарвилер арадал хкун я. "Чна гьазурзавай шейэр гзаф машгьур я, чна хейлин конкурсрани фестивалра иштиракна”, - малумарна Р. Шагьбанова.

Амма карханади пайгардик кваз кIвалахун патал алава яз техника ва тадаракар маса къачунин чарасузвал ава.

"Карханадин продукция хъсандиз ише физва, гьавиляй ина гьазурзавай шейэрин жуьреяр ва кьадарар артухарун герек я”, - къейдна РД-дин Гьукуматдин Председателди ва республикадин промышленностдин, алишверишдинни инвестицийрин министр Юсуп Умавовал и проект кьилиз акъудунин тереф хуьн тапшурмишна.

"Куьне тереф хуьнин нетижада 2014-йисан январдиз Дагъустандин Государстводин А.Тахо-Годидин тIварунихъ галай тарихдинни архитектурадин сад авунвай музей” ГБУ-дин филиал ачухна. Идани акьалтзавай несилдиз аскервилинни ватанпересвилин ва эстетикадин тербия гунин кIвалах хъсанардай мумкинвал гузва. Амма музейда гилани къуллугъчийрин штатар тайинарнавач, гьакIни лазим тир тадаракар маса къачунвач”, - шел-хвална карханадин руководителди.

Идахъ галаз алакъалу яз А.Гьамидова РД-дин финансрин министр Али Исламовал винидихъ раижнавай месэлаяр гьялунин кIвалахдик экечIун тапшурмишна. Дагъустандин премьер-министр Абдусамад Гьамидова, РД-дин Кьилин ва Гьукуматдин Администрациядин руководитель Рамазан Алиева ва адан сад лагьай заместитель Исмаил Эфендиева, гьакIни вице-премьерри и юкъуз жуьреба-жуьре месэлайрай 40 касдилай виниз агьалияр кьабулна.


.

.

Мумкин я ваз килигиз кIан хьун:

Кьурагьиз шегьре рехъ ачухна

Анатолий Къарибоваз “Дагъустан Республикадин вилик лайихлувилерай” орден ганва. Мубаракрай!

Шад хабар Нубатдин дережа

Дагъустанда СКФО-дин субъектрин кьилер гуьруьшмиш хьана

Дуьньядин культурайрин, динрин тарихдин музей Дербентда ачухна

Къейдер (0)