Анатолий Къарибоваз “Дагъустан Республикадин вилик лайихлувилерай” орден ганва. Мубаракрай!
Хел: 
2-июндиз Дагъустандин Кьил Рамазан Абдулатипова РД-дин Гьукуматдин Председателдин Сад лагьай заместитель Анатолий Къарибовав адаз гзаф йисара бегьерлудаказ кIвалахунай ганвай "Дагъустан Республикадин вилик лайихлувилерай” орден вахкана, хабар гузва РД-дин Кьилин ва Гьукуматдин Администрациядин пресс-къуллугъдин ва информациядин управлениди.
Анатолий Шамсутдинович Къарибов 1955-йисан 2-июндиз Махачкъалада дидедиз хьана. Ада Дагъустандин государстводин университетдин къецепатан чIаларин факультет акьалтIарна. Бхилайдин металлургический заводда (Бхилай шегьер, Индиядин Республика) ингилис чIалан таржумачи яз кIвалахиз башламишна. Жуьреба-жуьре йисара ам Дагъустандин демократвилин фикиррал алай жегьилрин Союздин кьиле хьана, адакай жегьилрин крарин ва туризмдин рекьяй РД-дин Гьукуматдин комитетдин председателдин заместитель хьана, ада РД-дин Гьукуматдин Председателдин Секретариатдин руководителдин везифаяр тамамарна. Яргъал йисара ам культурадин ва туризмдин рекьяй регьбервал гудай къуллугърал хьана.
Анатолий Шамсутдинович Къарибов 1955-йисан 2-июндиз Махачкъалада дидедиз хьана. Ада Дагъустандин государстводин университетдин къецепатан чIаларин факультет акьалтIарна. Бхилайдин металлургический заводда (Бхилай шегьер, Индиядин Республика) ингилис чIалан таржумачи яз кIвалахиз башламишна. Жуьреба-жуьре йисара ам Дагъустандин демократвилин фикиррал алай жегьилрин Союздин кьиле хьана, адакай жегьилрин крарин ва туризмдин рекьяй РД-дин Гьукуматдин комитетдин председателдин заместитель хьана, ада РД-дин Гьукуматдин Председателдин Секретариатдин руководителдин везифаяр тамамарна. Яргъал йисара ам культурадин ва туризмдин рекьяй регьбервал гудай къуллугърал хьана.
2013-йисалай Анатолий Къарибов РД-дин Гьукуматдин Председателдин Сад лагьай заместитель я. Адан везифадик гуманитарный месэлаяр, оборазованидиз, илимдиз, спортдиз, жегьилриз, туризмдиз, информационный политикадиз талукь месэлаяр кьилиз акъудунал гуьзчивал авун кутунва. Адаз "Дагъустан Республикадин культурадин лайихлу работник” лагьай гьуьрметдин тIвар ганва.
Рамазан Абдулатипова Анатолий Къарибов хушвилелди тебрикна, адан пешекарвилин, инсанвилин ерияр къейдна, ада Дагъустан яшайишдин, экономикадин рекьяй вилик финик еке пай кутазвайдакайни лагьана.
"Анатолий Шамсутдиновичахъ галаз чун комосмолдин девиррилай таниш я. Гьавиляй завай ам неинки савадлу пешекар, идара ийидай хъсан къуллугъчи, гьакI масадан дердидикай хабар кьадай, гъейратлу кас тирдини къейд ийиз жеда. Ам гъиле кьазвай гьар са месэладив жавадарвал вини дережада аннамишуналди эгечIзава, ида ерилу нетижани арадал гъизва. Лугьуда хьи, бажарагълу кас вири жигьетрай бажарагълуди жеда. И келимаяр Анатолий Къарибовазни талукьариз жеда. Адаз ингилис чIал лап хъсандиз чида, ада ВЛКСМ-дин Дагъустандин обкомдин сад лагьай секретарь яз кIвалахна, чи республикада культура ва туризм вилик тухуник еке пай кутуна. Хиве авай везифайрив рикI гваз эгечIзавачиртIа, кIвалахда лап виниз тир нетижаяр къазанмишиз чалишмиш хьаначиртIа, адавай и дережайрив агакьариз жедайди тушир.
Заз Квехъ, играми Анатолий Шамсутдинович, мягькем сагъламвал, кIвалахда агалкьунар, уьмуьрдин яргъал йисар хьун, Квез кьисметди чин гун кIанзава. Зун инанмиш тирвал, Куь виниз тир пешекарвили, чирвилери ва тежрибади региондин, Дагъустандин вири халкьдин абадвилин кардиз гележегдани къуллугъда!”, - лагьана Рамазан Абдулатипова.
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Дуьньядин культурайрин, динрин тарихдин музей Дербентда ачухна
Вирироссиядин гражданар кьабулдай югъ кьиле фена Дагъустанвийрин къайгъуда
Къейд эцигун