Дагъустандин намусдин азадвилинни, динрин тешкилатрихъ галаз кIвалах тухунин рекьяй Комитетдин коллегия кьиле фена
Хел: 
И йикъара Республикадин Милли библиотекадин конференц-залда РД-дин намусдин азадвилинни, динрин тешкилатрихъ галаз кIвалах тухунин рекьяй Комитетдин коллегия кьиле фена. Анал алатай йисуз кьиле тухвай кIвалахдин нетижаяр кьуна ва 2015-йисуз гьихьтин месэлаяр вилик эцигнаватIа веревирдна.
Коллегиядин кIвалахда РД-дин Кьилин динрин тешкилатрихъ галаз алакъаяр хуьдай Советдин, Комитетдин коллегиядин членри, адан патав гвай общественный советди, властдин органрин, илимдинни динрин тешкилатрин, СМИ-йрин векилри иштиракна.
РД-дин намусдин азадвилин, динрин тешкилатрихъ галаз кIвалах тухунин рекьяй Комитетдин председатель С. Мегьамедова лагьайвал, Комитетди РД-дин Кьилин иштираквал аваз динрин тешкилатрихъ галаз алакъаяр сих авунин гьакъиндай Советдин кьве заседание тухвана. Динрин тешкилатрин кIвалах хъсанарун патал абуруз, гьукуматдин программадал асаслу яз, 8 376 агъзур манатдин куьмекар гана.
Комитетдин кIвалах республикадин мусурманрин Духовный управленидихъ галаз сих алакъада аваз тешкилнава. ИкI, ДУМД-дихъ галаз санал са жерге мярекатар тешкилна: "Урусатдин мусурманар: ихтиярар ва мажбурнамаяр” илимдин конференция, "Дагъустандин мусурманар: ихтиярар ва мажбурнамаяр” элкъвей стол кьиле тухвана. Ина мусурманрин алимрин Виридуьньядин советдин генеральный секретарь, шейх Карадагидини, иштиракна. ГьакIни ислам диндин рекьяй вири дуьньяда машгьур алим Магьмуд Насер Хутахъ галаз гуьруьш тешкилна. Дагъустандин алимрин Советдин саналди тир заседание кьиле тухвана. Мусурман дишегьлийрихъ авай ихтияррин гьакъиндай, абуру алай аямдин обществода гьихьтин чка кьазватIа, гьадакай хабардар ийизвай "Муслимат” элкъвей стол тешкилна. Идалай гъейри, мусурман дишегьлийриз бахшна, дишегьлийрин арада Къуръан лап хъсандиз чидайбурун "Женнет дидедин кIвачерик ква” конкурс кьиле тухвана.
Диндин экстремизмдиз акси кIвалахдин хиляй Комитетди саки 20 агъзурдав агакьна ктабар чапдай акъудна, 200-дав агакьна макъалаяр чапна, мискIинра вязер авунин кIвалах хъсанарна.
Комитетдин активный иштираквал аваз мусурманрин Сив хуьнин ва Къурбанд суварар, Пайгъамбардиз, къуй адан кьилел саламар ва салаватар къурай, бахшнавай мевлид кьиле тухвана.
Гьелбетда, гьаждиз гьазурвал акун, ам кьиле тухун Комитетдин гуьзчивилик квай виридалайни важиблу кар яз амукьзава.
Комитетди Махачкъаладин РПЦ-дин епархиядин кIвалахни гуьзчивилик кутунва ва абурухъ галаз алакъаяр хуьзва. Алатай йисуз сифте яз Комитетдин куьмекдалди хашпара диндин суварар кьиле тухвана.
Динрин тешкилатрин кьиле авайбурухъ галаз алатай йисуз Дагъустан Республикадин Кьил Р.Абдулатипов гуьруьшмиш хьана.
Комитетдин теклифдалди ДУМД-дин патав гуманитарный институт тешкилнава.
С.Мегьамедован докладдилай кьулухъ Комитетдин кIвалахдин гележегдин планрикай адан заместитель Р. Гьажиева лагьана.
Коллегиядал чпин фикирар адан карда иштирак авур властдин тешкилатрин ва СМИ-рин векилрини лагьана.
Алай йисуз Комитетди, илимдинни-практикадин конференцийрин, элкъвей столрин, конкурсар кьиле тухунин рекьяй хьанвай тежрибадал бинеламиш хьана, кIвалах генани хъсанардайдакай лагьана.
Алай йисуз Комитетди, илимдинни-практикадин конференцийрин, элкъвей столрин, конкурсар кьиле тухунин рекьяй хьанвай тежрибадал бинеламиш хьана, кIвалах генани хъсанардайдакай лагьана.
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Россиядин чIехи гражданин кьена
Госдумадин депутатдихъ галаз жегьилрин гьалтун кьиле фена
Дуьньядин культурайрин, динрин тарихдин музей Дербентда ачухна
Къейд эцигун