Дербент - пуд диндин шегьер
Хел: 
Дербент шегьердин администрациядин пресс-къуллугъди хабар гайивал, 25-мартдиз Дербентда шегьердин округдин администрацияди, ФГБОУ ВПО "Дагъустандин государстводин университетдин Дербентда авай филиалди, ЮНЕСКО-дин диндиз талукь тир адетар, абурун культурайрин кьетlенвилер, динрин арада авай алакъаяр ахтармишдай кафедрадин Дагъустанда авай отделениди, СКФО.РУ. порталди информациядин куьмек авуналди "Дербент-пуд диндин шегьер” лишандик кваз тешкилнавай международный илимдинни тежрибадин конференция кьиле фена.
Адан кlвалахда диндин къуллугъчийри, республикадин министерствойринни ведомствойрин векилри, РД-дин намусдин азадвилин, динрин тешкилатрихъ галаз алакъайрин рекьяй комитетдин председатель Сулейман Мегьамедова, РД-дин Кьиблепатан территориальный округда Дагъустан Республикадин Кьилин патай тамам ихтиярар ганвай векил Мусафенди Велимурадова, Дербент шегьердин кьил Имам Яралиева, Дербент райондин кьилин везифаяр тамамарзавай Мегьамед Желилова, ЮНЕСКО-дин диндиз талукь тир адетар, абурун культурайрин кьетlенвилер, динрин арада авай алакъаяр ахтармишдай кафедрадин заведующий Дмитрий Спивака, машгьур алимри, археологри, Кьиблепатан Дагъустандин муниципалитетрин кьилери иштиракна.
Адан кlвалахда диндин къуллугъчийри, республикадин министерствойринни ведомствойрин векилри, РД-дин намусдин азадвилин, динрин тешкилатрихъ галаз алакъайрин рекьяй комитетдин председатель Сулейман Мегьамедова, РД-дин Кьиблепатан территориальный округда Дагъустан Республикадин Кьилин патай тамам ихтиярар ганвай векил Мусафенди Велимурадова, Дербент шегьердин кьил Имам Яралиева, Дербент райондин кьилин везифаяр тамамарзавай Мегьамед Желилова, ЮНЕСКО-дин диндиз талукь тир адетар, абурун культурайрин кьетlенвилер, динрин арада авай алакъаяр ахтармишдай кафедрадин заведующий Дмитрий Спивака, машгьур алимри, археологри, Кьиблепатан Дагъустандин муниципалитетрин кьилери иштиракна.
Конференциядин иштиракчияр тебрик авуналди, мярекат Дербент шегьердин кьил Имам Яралиева ачухна. Ада 2012-йисан 12- ноябрдиз РФ-дин Президент Владимир Путина Дербент шегьердин 2000 йисан юбилей 2015-йисуз къейд авунин патахъай Указ акъудайдакай лагьана. И кlвалахди Дербент неинки са Дагъустандинни Кеферпатан Кавказдин, гьакlни вири Россиядин дамах тирдини тестикьарна. Ахпа ада конференциядин иштиракчийриз къадим Дербент шегьердин тарихдикай суьгьбетна.
Кеферпатан Кавказдин Федеральный округда РФ-дин Президентдин патай тамам ихтиярар ганвай Векил Сергей Меликова конференциядин иштиракчийриз тебрикдин чар ракъурнавай. Кьилди къачуртlа, ана ихьтин гафар авай: "Алимарни властдин векилар, общественникарни диндин векилар сад ийизвай ихьтин чlехи дережадин мярекатдихъ неинки са Дербентдин, гьакlни вири Кеферпатан Кавказдин илимдинни культурадин уьмуьрда кьетlен метлеб ава... За конференциядин иштиракчийрихъ кlвалахда хъсан нетижаяр ва пешекарвилин рекье цlийи агалкьунрихъ агакьун алхишзава.
Лап рикlивай умудзава, кьиле тухузвай и конференция гзаф гуьзел Дербент шегьердин 2000 йисаз талукьарнавай юбилейдин мярекатрин жерге агалкьунралди давамардайди жеда”.
Анал гьакlни конференциядин тIварунихъ атанвай РД-дин Кьил Рамазан Абдулатипован, Кавказдин мусурманрин Духовный управленидин председатель Аллагьшукуьр Паша-задедин, Россиядин раввинрин кьил Берл Лазаран, Махачкъаладинни Грозныйдин епископ Варлааман, Дагъустандин муфтий Агьмад-Гьажи Абдулаеван тебрикдин чарарни кlелна.
Конференция физвай вахтунда хьайи важиблу мярекатрикай сад Кеферпатан Кавказдиз талукь тир динрин адетар, абурун культурайрин кьетlенвилер, динрин арада авай алакъаяр ахтармишдай ЮНЕСКО-дин Кафедра ачухун хьана.
Д.Лихачеван тlварунихъ галай культурадинни тlебиатдин ирсинин Институтдин Кефердинни Рагъакlидай патан филиалдин директор Дмитрий Спивака Имам Яралиеваз "Руьгьдиз талукь тир адетар цlийиз арадал хкунай ва миллетрин арада алакъаяр мягькемарунай” Гьуьрметдин грамота гана.
Анал ДГУ-дин кафедрадин заведующий Мустафа Билалова, Кеферпатан Кавказдин Федеральный университетдин сервисдин, туризмдинни дизайндин институтдин илимдин кlвалахдай директордин заместитель Арушан Вартумяна, ДГУ-дин Дербентда авай филиалдин доцентар Гуьлжуьгьре Саидовадини Мадина Шагьбановади докладар авуна.
Ахпа конференциядин кlвалах гьар жуьре темайрай секцийра давамарна.
Къагьриман Ибрагьимов
.
Сайтдин халисан уртах хьун патал регистрация авун кIан я.
Мумкин я ваз килигиз кIан хьун:
Дербент-2000: цивилизацийрин рекьерин хев
Дуьньядин культурайрин, динрин тарихдин музей Дербентда ачухна
Къейд эцигун